୪୯ ନମ୍ବର ଜାତୀୟ ରାଜପଥ ଶୁଆକାଟି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ଚାଲିଗଲା ଦୁଇ ଜୀବନ

କେନ୍ଦୁଝର(ସଂଗ୍ରାମ କେଶରୀ ମିଶ୍ର) : କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ଶୁଆକାଟି ତାରିଣୀ ମନ୍ଦିର ଛକ ନିକଟ ୪୯ ନମ୍ବର ଜାତୀୟ ରାଜପଥରେ ଘଟିଛି ଏକ ସଡ଼କ ଦୁର୍ଘଟଣା | ଏଥିରେ ଚାଲିଯାଇଛି ଦୁଇଟି ଜୀବନ | ସୂଚନା ଅନୁଯାୟୀ ଶୁଆକାଟି ମାଇନିଙ୍ଗ ଛକର ୪୦ ବର୍ଷିୟ ରୀନା ମହାକୁଡ଼ ଓ ୨୮ ବର୍ଷିୟ ସର୍ବେଶ୍ୱର ବେହେରା ଏକ ବାଇକ ଯୋଗେ କେନ୍ଦୁଝରରୁ ଶୁଆକାଟି ଫେରୁଥିବା ବେଳେ ତାରିଣୀ ଛକ ନିକଟରେ ରାସ୍ତା ଖରାପ ଥିବାରୁ ତାଙ୍କ ବାଇକଟି ଭାରସାମ୍ୟ ହରାଇ ରାସ୍ତା ପାର୍ଶ୍ଵ ଗାର୍ଡୱାଲରେ ପିଟି ହୋଇଥିଲା | ଫଳରେ ଉଭୟ ଗାର୍ଡୱାଲ ତଳ ଡ୍ରେନ କୁ ଖସି ପଡ଼ିଥିଲେ | ଘଟଣା ସ୍ଥଳରେ ରୀନା ମହାକୁଡ଼ ଙ୍କ ମୃତ୍ୟୁ ଘଟିଥିବା
ସୂଚନା ପାଇ ସଦର ଥାନା ଅଧିନସ୍ଥ ଶୁଆକାଟି ଫାଣ୍ଡି ଅଧିକାରୀ ଓ ଅଗ୍ନିସମ ବାହିନୀ ଘଟଣା ସ୍ଥଳରେ ପହଁଚି ମୃତ ରୀନା ଙ୍କ ମୃତ ଶରୀର କୁ ଉଦ୍ଧାର କରିବା ସହ ଜବଦ କରି ବ୍ୟବଛେଦ ପାଇଁ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟ କୁ ପଠାଇବା ସହ ସର୍ବେଶ୍ୱର ଙ୍କୁ ଚିକିତ୍ସା ପାଇଁ ପଠାଇଥିଲେ । ସୂଚନ ଅନୁସାରେ ଚିକିତ୍ସାଧିନ ଅବସ୍ଥାରେ ତାଙ୍କର ମଧ୍ୟ ମୃତ୍ୟୁ ହୋଇଯାଇଛି | ତେଣୁ ପୋଲିସ ସବ କୁ ବ୍ୟବଛେଦ ପାଇଁ ପଠାଇଛି । ସେପଟେ ଦୁର୍ଘଟଣାଗ୍ରସ୍ତ ବାଇକଟି ଜବତ କରିଛି ପୋଲିସ |