ଢେଙ୍କାନାଳ : ବାଣ ଫୁଟାଇ ଦୁଇ ପାପୁଲି ହରାଇଲେ ଯୁବକ

ଢେଙ୍କାନାଳ, ନିହାର ରଞ୍ଜନ ସାହୁ : ପରଜଙ୍ଗ ଥାନା କୁସୁମୁଣ୍ଡିଆ ଗ୍ରାମରେ ବାହାଘରରେ ବାଣ ଫୁଟାଇଲା ବେଳେ ଅଘଟଣ । ବାଣ ଫୁଟି ଯୁବକଙ୍କ ଦୁଇଟି ପାପୁଲି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଗୁରୁତର ଯୁବକ ଜଣଙ୍କ ହେଲେ ଖମାର ଥାନା ଖୋଲମୁଣ୍ଡା ଗ୍ରାମର ପଞ୍ଚାନନ ମହାକୁଡ଼ । ପଞ୍ଚାନନ ନିଜ ଗ୍ରାମରୁ ଏକ ବାହାଘରରେ କୁସୁମୁଣ୍ଡିଆ ଗ୍ରାମକୁ ଆସିଥିଲେ । ବାହାଘର ପ୍ରସେସନ ଚାଲିଥିବା ସମୟରେ ଗାଁ ପାଖ ଅଙ୍ଗନୱାର୍ଡି କେନ୍ଦ୍ର ନିକଟରେ ବାଣ ଫୁଟାଉଥିବା ବେଳେ ବାଣଟି ହାତରେ ଫୁଟି ଯାଇଥିଲା । ଫଳରେ ପଞ୍ଚାନନଙ୍କ ଦୁଇଟି ପାପୁଲି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଥିଲା । ତେବେ ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।