ଭୟାବହ ଅଗ୍ନିକାଣ୍ଡରେ ୧୩ ବଖରା ଜଳି ପାଉଁଶ, ଲକ୍ଷାଧିକ ସମ୍ପତ୍ତି ନଷ୍ଟ

ଢେଙ୍କାନାଳ, ନିହାର ରଞ୍ଜନ ସାହୁ : ଭୟାବହ ଅଗ୍ନିକାଣ୍ଡରେ ଜଳିଗଲା ୧୩ ବଖରା ଘର । ଏଭଳି ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ବାଉଁଶକଣ ମାଟିଆ ସାହିରେ । ଗତକାଲି ବିଳମ୍ବିତ ରାତିରେ ଏଭଳି ଭୟାନକ ଅଗ୍ନିକାଣ୍ଡ ଘଟି ଗାଁର ୩ ଟି ପରିବାରର ୧୩ ବଖରା ଘର ସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଶଁ ହୋଇଯାଇଛି । ସୂଚନାନୁସାରେ ସେହି ଗାଁର ଧନୁ ପଧାନଙ୍କର ଦୁଇ ବଖରା, ଶରତ ପଧାନଙ୍କର ଦୁଇ ବଖରା, କାର୍ତ୍ତିକ ପ୍ରଧାନଙ୍କର ତିନି ବଖରା, ନାରାୟଣ ପ୍ରଧାନଙ୍କର ଦୁଇ ବଖରା ଏବଂ ବିଶ୍ବନାଥ ପ୍ରଧାନଙ୍କର ଚାରି ବଖରା ଘର ଜଳିଯିବା ସହିତ ବିଶ୍ବନାଥ ପ୍ରଧାନ ଝିଅ ବିବାହ ପାଇଁ ରଖିଥିବା ସମସ୍ତ ଆସବାପତ୍ର ପୋଡି ଜଳି ପାଉଁଶ ହୋଇଯାଇଛି । ଘଟଣାସ୍ଥଳରେ ଭୁବନ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରିଥିବା ବେଳେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନାହିଁ ।