ପୂର୍ବ ଶତ୍ରୁତାକୁ ନେଇ ନିଆଁ ଲଗାଇଲେ ଦୁର୍ବୁତ୍ତ

ଗଞ୍ଜାମ, ପ୍ରିୟବ୍ରତ ନାୟକ : ଜିଲ୍ଲାରେ ଦିନକୁ ଦିନ ବଢୁଛି ପାରିବାରିକ ହିଂସା । କେଉଁଠି ବାପା ପୁଅ ଭିତରେ ତ କେଉଁଠି ପୂର୍ବ ଶତ୍ରୁତାକୁ ନେଇ । ଅନ୍ୟପଟେ କୋରୋନା ମହାମାରୀକୁ ନେଇ ପ୍ରଶାସନର ଚିନ୍ତା ବଢୁଥିବା ବେଳେ ରାହଯାନୀ, ଗୁଣ୍ଡା ଗରଦି ଏବଂ ପୂର୍ବଶତ୍ରୁତା ଭଳି ହିଂସାକାଣ୍ଡ ଆଉ ଗୋଟିଏ ମୁଣ୍ଡବିନ୍ଧାର କାରଣ ପାଲଟିଛି । ଗଞ୍ଜାମରେ ସେହି ଭଳି ଗୋଟେ ଅଭାବନୀୟ ଘଟଣା ଦେଖିବାକୁ ମିଳିଛି ବୁଗୁଡ଼ାଥାନା ଅନ୍ତର୍ଗତ ନିମପଦର ଗ୍ରାମରେ l ପୂର୍ବ ଶତ୍ରୁତାକୁ ନେଇ କିଛି ଦୁର୍ବୁତ୍ତମାନେ ବିଳମ୍ବିତ ରାତିରେ ନିମପଦର ଗ୍ରାମର ମିଥୁନ ପଲେଇଙ୍କ ଘର ଆଗରେ ନିଶାସକ୍ତ ଥାଇ ଅତି ଖରାପ ଭାଷାରେ ଗାଳିଗୁଲଜ କରିବା ସହିତ ତାଙ୍କ ପୁରୁଣାଘରେ ଥିବା ଗୋଟିଏ ଟିଭିଏସ ବାଇକ, ଗୋଟିଏ ଟି ଭି ଏସ ଏକସେଲ ଓ 5ଟି ସାଇକେଲ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଛନ୍ତି l ଯାହା ଫଳରେ ଲକ୍ଷାଧିକ ଟଙ୍କାର ଧନସମ୍ପତ୍ତି ଜଳିପୋଡି ନଷ୍ଟହୋଇଯାଇଛି l ଏହି ଘଟଣା ସମ୍ପର୍କରେ ଦମକଳବିଭାଗ ଖବର ପାଇ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ବେଳକୁ ସବୁ ଜିନିଷ ଜଳିପୋଡି ନଷ୍ଟ ହୋଇଯାଇଥିଲା l ଏହି ଘଟଣା ସମ୍ପର୍କରେ ବୁଗୁଡ଼ା ପୋଲିସ ଥାନାରେ ଏତଲା ଦିଆଯାଇଥିବା ଜଣାପଡିଛି ।