ଭାଲିଆ ବାଡ଼ରୁ ଯୁବତୀର ଝୁଲନ୍ତା ମୃତଦେହ ଉଦ୍ଧାର

ଗୁଣୁପୁର, ସତ୍ୟନାରାୟଣ ସାହୁ : ଗତ ସୋମବାର ଦିନ ରାୟଗଡା ଜିଲ୍ଲା ଗୁଣପୁର ସ୍ଥିତ ଚିନ୍ତାଳୁଗୁଡ଼ା ଠାରେ କାମ କରୁଥିବା ପଥର କ୍ୱାରି ପାଖର ଭାଲିଆ ବାଡ଼ରୁ ଜଣେ ଯୁବତୀର ଝୁଲନ୍ତା ମୃତ ଦେହ ଦେଖିବାକୁ ମିଳିଥିଲା । ସେହି ଯୁବତୀ ଜଣକ କାମ କରିବା ପାଇଁ କାଶୀପୁରରୁ ପଥର କ୍ଵରିକୁ ଯାଇଥିଲା। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହକୁ ଜବତ କରି ବ୍ୟବଛେଦ ପାଇଁ ଗୁଣୁପୁର ଉପଖଣ୍ଡ ଚିକିତ୍ସାଳୟକୁ ପଠାଇ ଦେଇଛନ୍ତି । ପ୍ରାଥମିକ ତଦନ୍ତରୁ ଜଣା ପଡ଼ିଛି ଯେ ଯୁବତୀ ଜଣକ ତାଙ୍କ ବାପାଙ୍କ ସହ କୌଣସି କାରଣରୁ ଝଗଡା ହୋଇଥିଲା, ପରେ ଯୁବତୀ ଜଣକ ଏକ ଭାଲିଆ ଗଛରେ ନିଜ ଓଢଣି ଲଗାଇ ଆତ୍ମହତ୍ୟା କରିଥିଲେ। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ତାହା ଆତ୍ମହତ୍ୟା ନା ହତ୍ୟା, ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ନାରୀଙ୍କ ସୁରକ୍ଷା ନିମନ୍ତେ ପ୍ରଶାସନ ବହୁବିଧ ଚେଷ୍ଟା ସତ୍ତ୍ୱେ ଏଭଳି ପରସ୍ଥିତି ସୃଷ୍ଟି ହେବା ବହୁ ଲଜ୍ଜାଜନକ ।