ବନ୍ଧୁକ ଦେଖାଇ ମହିଳାଙ୍କ ବେକରୁ ଲୁଟିନେଲେ ସୁନା ଚେନ୍

ଜଗତସିଂହପୁର, ସୁବ୍ରତ ମଲ୍ଲିକ : ଏଭଳି ଘଟଣା ଘଟିଛି ଜଗତସିଂହପୁର ଜିଲ୍ଲା ତିର୍ତ୍ତୋଲ୍ ଥାନା ଅନ୍ତର୍ଗତ ବିରିତୋଳ ରସଲପୁର ଗ୍ରାମରେ । ସୂଚନା ମୁତାବକ ଏହି ଗ୍ରାମର ନିବାସୀ ଇଦିରିସ ଖାଁଙ୍କ ପତ୍ନୀ ତାହୀରା ଖାତୁନ ଘରକୁ ରାସନ ଜିନିଷ ଆଣିବା ପାଇଁ ଦୋକାନକୁ ଯିବା ବାଟରେ ପୂର୍ବ ଶତ୍ରୁତାକୁ କେନ୍ଦ୍ରକରି କିଛି ଦୃବୁତ ମାନେ ବନ୍ଧୁକ ଦେଖାଇ ମାଡ଼ ମାରିବା ସହିତ ମହିଳାଙ୍କ ବେକରୁ ସୁନା ଚେନ ଲୁଟିନେଇଥିବା ଅଭିଯୋଗ ହୋଇଛି । ଏନେଇ ଇଦିରିସ ଖାଁଙ୍କ ପତ୍ନୀ ତାହିରା ଖାତୁନ ସ୍ଥାନୀୟ ତିର୍ତ୍ତୋଲ୍ ଥାନା ଅଧିନସ୍ତ କନକପୁର ଫାଣ୍ଡିରେ ଗତ-୧୯ତାରିଖ ଦିନ ଚାରିଜଣ ଆସାମୀ, ଦେଉଳି ଗ୍ରାମେଶ୍ବର ଗ୍ରାମର-ଜୟନୁଲ ଖାଁ, ରସୁଲପୁର ଗ୍ରାମର ଜାବିର ଖାନ୍, ମହମ୍ମଦ ଖଇରୂଲ ଖାଁ ଓ ସହଯୋଗୀ ସବାନା ଆର ବେଗମଙ୍କ ନାମର ଲିଖିତ ଏତେଲା ଦାୟର କରିଛନ୍ତି । ଅଭିଯୋଗ ଆଧାରରେ ଫାଣ୍ଡି ଅଧିକାରୀ ଶ୍ରୀଚରଣ ରାଉତ ତଦନ୍ତ ଆରମ୍ଭ କରିଦେଇଛନ୍ତି । ତଦନ୍ତ ପରେ ପ୍ରକୃତ ସତ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି । ଅନ୍ୟ ପଟେ ପରିବାର ଲୋକେ ଓ ଗ୍ରାମବାସୀ ମାନେ ଆସାମୀ ମାନଙ୍କୁ ତୁରନ୍ତ ଗିରଫ କରିବା ସହିତ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି ।