୨୮ ରୁ ୩୨ ବର୍ଷ ମଧ୍ୟରେ ବିବାହ କଲେ ଛାଡ଼ପତ୍ର ଆଶଙ୍କା କମ୍ ଥାଏ

ବିବାହ ହେଉଛି ଏକ ପବିତ୍ର ବନ୍ଧନ ଯାହାକୁ ସାରା ଜୀବନ ପର୍ଯ୍ୟନ୍ତ ମାନିବାକୁ ପଡେ । ବେଳେ ବେଳେ ଦେଖାଯାଏ ଅନେକ ବାହା ହେବା ପାଇଁ ତରତର ହୁଅନ୍ତି । ବିଶେଷ କରି ଆମ ଭାରତୀୟ ସମାଜରେ ଝିଅଙ୍କ ବାପାମା’ମାନେ ଅଧିକ ତରତର ହୁଅନ୍ତି ବାହାଘର କରାଇବା ଲାଗି । ଅନ୍ୟ ପକ୍ଷରେ ଆଉ ଜଣେ ଜଣେ ବହୁ ବିଳମ୍ବରେ ବିବାହ କରନ୍ତି। ସଠିକ୍ ସମୟ ଆସି ନାହିଁ ବୋଲି କହି ଏମାନେ ବିବାହକୁ ଘୁଞ୍ଚାଇ ଚାଲନ୍ତି। ପ୍ରକୃତରେ ଏ ଦୁଇଟି ମଧ୍ୟରୁ କେଉଁଟିବି ଠିକ୍ ନିଷ୍ପତ୍ତି ନୁହେଁ ବୋଲି ବିଶେଷଜ୍ଞମାନେ କହନ୍ତି।

ଭାରତରେ ଏବେ ଛାଡ଼ପତ୍ର ମାମଲା ସଂଖ୍ୟା ବଢ଼ି ଚାଲିଛି। ବିବାହ ବିଚ୍ଛେଦ ସହିତ ବିବାହର ବୟସକୁ ଯୋଡ଼ି ଦେଖାଯାଉଛି। କୁହାଯାଏ ଯେଉଁମାନେ ୨୫ ବର୍ଷ ବା ତା’ପରେ ବିବାହ କରନ୍ତି ସେମାନଙ୍କ କ୍ଷେତ୍ରରେ ଛାଡ଼ପତ୍ର ହେବାର ସମ୍ଭାବନା ୫୦ ପ୍ରତିଶତ ଥାଏ। ଯେଉଁମାନେ ୨୫ ବର୍ଷରୁ କମ୍ ବୟସରେ ବିବାହ କରିଥାଆନ୍ତି ସେମାନଙ୍କ କ୍ଷେତ୍ରରେ  ଛାଡ଼ପତ୍ର ଆଶଙ୍କା ସବୁଠୁ ଅଧିକ। ଏହି ଧାରଣାକୁ ନେଇ ଏକ ସର୍ଭେ କରାଯାଇଥିଲା। ଏଥିରୁ ଜଣାପଡ଼ିଥିଲା ଯେ  ବିବାହ କରିବାର ସବୁଠୁ ଭଲ ସମୟ ହେଉଛି ୨୮ ରୁ ୩୨ ବର୍ଷ ମଧ୍ୟରେ। ଯେଉଁମାନେ ୨୮ ବର୍ଷ ପୂର୍ବରୁ ବିବାହ କରୁଛନ୍ତି ସେମାନଙ୍କ କ୍ଷେତ୍ରରେ ଛାଡ଼ପତ୍ର ହାର ଖୁବ୍ ଅଧିକ। ସେହିପରି ୩୨ ବର୍ଷ ପରେ ବିବାହ କଲେ ବି ସମସ୍ୟା ରହିଛି। ତେବେ ଜଣେ ସେତେବେଳେ ବିବାହ କରିବା ଉଚିତ ଯେତେବେଳେ ସେ ନିଜକୁ ଏଥିପାଇଁ ଫିଟ୍ ବୋଲି ମନେ କରିବ।

Comments are closed.