ଜାତକ ଦେଖି ଚିକିତ୍ସା

ସାଧାରଣତଃ ଡ଼ାକ୍ତର ମାନେ କୌଣସି ଜ୍ୟୋତିଷ ଜାତକ ଶୁଭବେଳା ଆଦିକୁ ବିଶ୍ୱାସ କରନ୍ତି ନାହିଁ । ତେଣୁ ଜାତକ ଦେଖି ବିଶ୍ୱାସ କରୁଥିବା କହିଲେ ବିଚିତ୍ର ଲାଗିବା ସ୍ୱାଭାବିକ । କୌଣସି ଗାଁ ଗହଳିରେ ନୁହେଁ, ସହରର ଏକ ଆଧୁନିକ ହସପିଟାଲରେ ଏଭଳି ଚିକିତ୍ସା କରାଯାଉଛି ।

ରାଜସ୍ଥାନର ଜୟପୁରଠାରେ ଏପରି ଏକ ହସପିଟାଲ ଅଛି ଯେଉଁଠାରେ ରୋଗ ସଂପର୍କରେ ଜାଣିବା ଓ ଚିକିତ୍ସା କରିବା ଲାଗି ଜ୍ୟୋତିର୍ବିଦ୍ୟାର ସହାୟତା ନିଆଯାଏ । ୟୁନିକ ସଙ୍ଗୀତା ମେମୋରିଆଲ ହସ୍ପିଟାଲକୁ ଯେଉଁ ରୋଗୀ ଆସନ୍ତି । ପ୍ରଥମେ ସେମାନଙ୍କ ଜାତକ ଦେଖାଯାଏ । ରୋଗୀଙ୍କ ପାଖରେ ଜାତକ ନଥିଲେ ତାଙ୍କର ଜନ୍ମତିଥି , ଜନ୍ମସ୍ଥାନ ଓ ସମୟ ପଚାରି ହସ୍ପିଟାଲରେ ହିଁ ଜାତକ ପ୍ରସ୍ତୁତ କରିଥାନ୍ତି । ରୋଗୀଙ୍କ ନମ୍ବର ଆସିଲେ ଡାକ୍ତରଙ୍କ ପାଖରେ ରିପୋର୍ଟ ବଦଳରେ ପ୍ରଥମେ ଜାତକ ରଖାଯାଏ ।

ଏହାକୁ ଦେଖି ଡାକ୍ତର ରୋଗୀର ରୋଗ ,ସମ୍ଭାବ୍ୟ ବିପଦ ଏବଂ ଚିକିତ୍ସା ସମ୍ପର୍କରେ ଜଣାନ୍ତି । ପଣ୍ଡିତ ଅଖିଳେଶ ଶର୍ମା ଏହି ହସ୍ପିଟାଲ ପ୍ରତିଷ୍ଠା କରିଥିଲେ । ଏଠାରେ ବୈଜ୍ଞାନିକ ପଦ୍ଧତି ସହିତ ଦୈବିକ ପଦ୍ଧତିରେ ଚିକିତ୍ସା ବ୍ୟବସ୍ଥା ରହିଛି । ଅର୍ଥାତ ରୋଗୀଙ୍କ ପରିବାରବର୍ଗଚାହିଁଲେ ବେଦର ମନ୍ତ୍ରଏବଂ ଜଡିବୁଟି ଦ୍ୱାରା ମଧ୍ୟ ଚିକିତ୍ସା କରାଇପାରିବେ । ଏଠାରେ ଏଲୋପାଥି, ୟୁନାନୀ ଏବଂ ଆୟୁର୍ବେଦିକ ପ୍ରକ୍ରିୟାରେ ଚିକିତ୍ସା କରାଯାଏ । ଏହି ହସ୍ପିଟାଲକୁ ଆସୁଥିବା ରୋଗୀମାନେ ମଧ୍ୟ ଚିକିତ୍ସା ବ୍ୟବସ୍ଥାରେ ବେଶ ସନ୍ତୋଷ ଲାଭ କରୁଥିବା ଜଣାନ୍ତି ।