ବିଲରେ ଟ୍ରାକ୍ଟର ଯୋଗେ ହଳ କରୁଥିବା ସମୟରେ ଟ୍ରାକ୍ଟର ଓଲଟି ଯୁବକ ମୃତ

କେନ୍ଦୁଝର, ସଂଗ୍ରାମ କେଶରୀ ମିଶ୍ର : ପାଟଣା ବ୍ଲକ କେନ୍ଦେଇପଶି ପଞ୍ଚାୟତ କାଶୀପୁର ଗ୍ରାମରେ ଏକ ଅଘଟଣ ଘଟିଯାଇଛି । ବର୍ତ୍ତମାନ ବର୍ଷା ଦିନ ତେଣୁ ବିଲରେ ଚାଷ କାର୍ଯ୍ୟ ପାଇଁ ଟ୍ରାକ୍ଟର ରେ ହଳ କରୁ ଥିବା ସମୟରେ କୌଣସି କାରଣ ବଶତଃ ଗତ କାଲି ସନ୍ଧ୍ୟାରେ ଟ୍ରାକ୍ଟର ଟି ଵିଲ ମଝିରେ ଓଲଟି ପଡିଥିଲା । ଫଳରେ ଘଟଣା ସ୍ଥଳରେ ଟ୍ରାକ୍ଟର ଚାଳକ ଚାପି ହୋଇ ମୃତ୍ୟୁ ବାରଣ କରିଥିଲା। ସୂଚନା ଅନୁଯାୟୀ ଚାଳକ ଜଣକ କାଶୀପୁର ଗ୍ରାମର 25 ବର୍ଷୀୟ ଧନେଶ୍ୱର ନାଏକ ବୋଲି ଜଣାପଡିଛି । ଘଟଣା ପରେ ଯୁବକକୁ ଉଦ୍ଧାର କରିବାକୁ ଗ୍ରାମର ଲୋକମାନେ ଚେଷ୍ଟା କରି ବିଫଳ ହୋଇଥିଲେ । ପରେ ପାଟଣା ଅଗ୍ନିଶମ ବିଭାଗକୁ ଘଟଣା ସ୍ଥଳକୁ ଆସି ଯୁବକ କୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠେଇ ବାର ବ୍ୟବସ୍ଥା କରିଥିଲେ । ଏଭଳି ଏକ ଘଟଣା ଘଟିବା ଫଳରେ ସ୍ଥାନୀୟ ଲୋକମାନେ ଏବଂ ଗ୍ରାମବାସିଙ୍କ ମନରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।