ନାବାଳକର ସନ୍ଦେହ ଜନକ ମୃତ ଦେହ ଉଦ୍ଧାର, ପରିବାର ଲୋକେ ଆଣିଲେ ହତ୍ୟା ଅଭିଯୋଗ

ନାବାଳକର ସନ୍ଦେହ ଜନକ ମୃତ ଦେହ ଉଦ୍ଧାର ,ପରିବାର ଲୋକେ ଆଣିଲେ ହତ୍ୟା ଅଭିଯୋଗ । ଘଟଣା ଘଟିଛି ଢେ଼ଙ୍କାନାଳ ଜିଲ୍ଲା ପରଜଙ୍ଗ ଥାନା ଆଖୁଆପାଳ ପଞ୍ଚାୟତ ଅନ୍ତର୍ଗତ ୩ ନଂ କଲୋନୀର ଦଳିତବସ୍ତିରେ । ବସ୍ତିର ସ୍ବର୍ଗତ ବିଜୟ ନାୟକଙ୍କ ସାନପୁଅ ମକୁ ନାୟକଙ୍କୁ ସେହି ବସ୍ତିର ବିନୋଦ ଗୋଚ୍ଛାୟତ, ଦିଲ୍ଲୀପ ନାୟକ ଓ ତପୁ ନାୟକ ଯୋଜନାବଦ୍ଧ ଭାବେ ହତ୍ୟା କରିଥିବା ମକୁଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଅଭିଯୋଗ ଅନୁଯାୟୀ ଆଜକୁ ଚାରି ଦିନ ତଳେ ବିନୋଦଙ୍କ ସାନ ପୁଅ ଦିପୁଙ୍କ ସହ ମକୁଙ୍କ ସାମାନ୍ୟ ବଚସା ହୋଇଥିଲା । ଯାହାକୁ ନେଇ ବିନୋଦ ଗତ କାଲି ସନ୍ଧ୍ୟା ୭ଟା ବେଳେ ସହଯୋଗୀ ଦିଲ୍ଲୀପ ଓ ତପୁ ସହ ମିଶି ମକୁକୁ ହତ୍ୟା କରି ଏକ ରଶି ସାହାଯ୍ୟରେ ବସ୍ତିରେ ଥିବା ଏକ କରଡା ଗଛରେ ଉଳେଇ ଦେଇଥିଲେ । ଏ ନେଇ ମକୁଙ୍କ ପରିବାର ଲୋକେ ଦଦରାଘାଟି ଫାଣ୍ଡିରେ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତିକରି ବସ୍ତିର ୩ ଜଣଙ୍କୁ ପରଜଙ୍ଗ ପୋଲିସ ଅଟକ ରଖିବା ସହ ଘଟଣା ସ୍ଥଳରେ ଦଦରାଘାଟି ଫାଣ୍ଡି ଅଧିକାରୀ ସମରଜିତ ନାୟକ ,ଏସଡିପିଓ ସୁପ୍ରସନ୍ନ ମଲ୍ଲିକ ଓ ଜିଲ୍ଲା ଫରେନସିକ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ପହଂଚି ତଦନ୍ତ ଜାରି ରଖିଛନ୍ତି । ଖୁବଶୀଘ୍ର ଘଟଣାଟିର ସତ୍ୟା ସତ୍ୟ ସାମ୍ନାକୁ ଆସିବ ବୋଲି ଏସଡିପିଓ କହିଛନ୍ତି । ଢେ଼ଙ୍କନାଳ ଜିଲ୍ଲା କାମାକ୍ଷାନଗରରୁ ନିହାର ରଞ୍ଜନ ସାହୁଙ୍କ ରିପୋର୍ଟ ମହକ ଟିଭି ନିଉଜ