କନ୍ଧମାଳ ଜିଲ୍ଲାରେ ଲାଗିଲା ମାଓ ପୋଷ୍ଟର

କନ୍ଧମାଳ, ପ୍ରଭାତ ନନ୍ଦ : କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ କୁର୍ତ୍ତମଗଡ ଗ୍ରାମ ଟୋଲଗେଟ ନିକଟରେ ଲାଗିଛି ମାଓ ପୋଷ୍ଟର । ବିପ୍ଲବୀ ଡେଙ୍ଗୁରୀ ହେଡିଙ୍ଗ ଲେଖା ଥାଇ କେକେବିଏନ ଡିଭିଜନାଲ କମିଟି ଦ୍ୱାରା ଲାଗାଯାଇଛି ଏହି ପୋଷ୍ଟର । ଏହି ପୋଷ୍ଟରରେ ଗଞ୍ଜେଇ ଗଛ କଟିବାକୁ ମନା କରାଯିବ ସହ ସିଆରପିଏଫ କ୍ୟାମ୍ପକୁ ବିରୋଧ କରାଯାଇଛି । ଏହାକୁ ନେଇ ସ୍ଥାନୀୟ ଅଂଚଳରେ ଆତଙ୍କ ଖେଳିଯାଇଛି । ବାଲିଗୁଡା ଥାନା ଏରିଆ ପରମପଙ୍ଗା ଠାରୁ ଆରମ୍ଭ କରି ତୁମୁଡିବନ୍ଧ ଥାନା ଏରିଆ କୁର୍ତ୍ତମଗଡର ଇମାନୁଆଲ ବସ୍ତି ଅଞ୍ଚଳରେ ମାଓ ପୋଷ୍ଟର ଦେଖିବାକୁ ମିଳିଛି । ବହୁତ ଦିନର ନୀରବତା ପରେ ପୁଣି ମାଓବାଦୀ ସକ୍ରିୟ ହେବ ନେଇ କନ୍ଧମାଳ ଜିଲ୍ଲା ପୋଲିସ ପାଇଁ ଚିନ୍ତାର ବିଷୟ ପାଲଟିଛି ।