ପୂର୍ବତନ ବିଧାୟକ ଆଦିକନ୍ଦ ସେଠୀଙ୍କ ପରଲୋକ, ହୃଦଘାତରେ ଚାଲିଗଲା ଜୀବନ
ଛତ୍ରପୁର(ଭଗବାନ ରାଉଳ) : ପୂର୍ବତନ ବିଧାୟକ ଆଦିକନ୍ଦ ସେଠୀଙ୍କ ପରଲୋକ । ଗଞ୍ଜାମ ଜିଲ୍ଲା ରମ୍ଭା ସ୍ଥିତ ନିଜ ବାସଭବନରେ ଆଦିକନ୍ଦଙ୍କ ହୃଦଘାତରେ ମୃତ୍ୟୁ ହୋଇଛି । ମୃତ୍ୟୁବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା ।
ଖବର ଅନୁଯାୟୀ, ଶିକ୍ଷକ ଭାବେ ଚାକିରିରୁ ଅବସର ପରେ ରାଜନୀତିକୁ ପ୍ରବେଶ କରିଥିଲେ ଆଦିକନ୍ଦ । ପ୍ରଥମେ ସିପିଆଇ ଦଳରେ ଯୋଗଦେଇଥିଲେ ଏବଂ ପରେ ବିଜେଡିରେ ମିଶିଥିଲେ । ୨୦୦୯ ନିର୍ବାଚନରେ ସେ ଛତ୍ରପୁର ନିର୍ବାଚନମଣ୍ଡଳୀ ସିପିଆଇ ଦଳର ପ୍ରାର୍ଥୀ ଭାବେ ତାଙ୍କ ନିକଟତମ ପ୍ରତିଦ୍ବନ୍ଦୀ ବିଜେପିର ଭଗବାନ ବେହେରାଙ୍କ ଠାରୁ ୧୬,୫୫୭ ଖଣ୍ଡ ଭୋଟ ଅଧିକ ପାଇ ବିଜୟୀ ହୋଇଥିଲେ | ୨୦୧୪ ପରେ ସେ ବିଜେଡିରେ ସାମିଲ ହୋଇଥିଲେ । ମୃତ୍ୟୁ ବେଳକୁ ତାଙ୍କୁ ୭୦ ବର୍ଷ ହୋଇଥିଲା । ରମ୍ଭା ନିଜସ୍ୱ ବାସଭବନରେ ତାଙ୍କ ପ୍ରାର୍ଥିବ ଶରୀର ରଖାଯାଇଛି । ଶେଷ ଦର୍ଶନ ପାଇଁ ବାହୁ ରାଜନେତାଙ୍କ ସୁଅ ଛୁଟୁଛି । ଆଦିକନ୍ଦଙ୍କ ଦେହାନ୍ତରେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା ଦୁଃଖ ପ୍ରକାଶ କରିଛନ୍ତି |
Comments are closed.