ଟି-୨୦ ବିଶ୍ୱକପରେ ଇତିହାସ ରଚିଲା ଭାରତ

0

ଭାରତ ଟି-୨୦ ବିଶ୍ୱକପ ୨୦୨୪ରେ ଇତିହାସ ସୃଷ୍ଟି କରିଛି। ପାକିସ୍ତାନ ବିପକ୍ଷରେ ବିଜୟ ସହ ଟିମ ଇଣ୍ଡିଆ ଅନେକ ରେକର୍ଡ ସୃଷ୍ଟି କରିଛି। ଟି-୨୦ ବିଶ୍ୱକପ ଇତିହାସରେ ପାକିସ୍ତାନ ଉପରେ ଭାରତୀୟ ଦଳର ଏହା ସପ୍ତମ ବିଜୟ ଥିଲା। ଉଭୟଙ୍କ ମଧ୍ୟରେ ମୋଟ ୮ଟି ମ୍ୟାଚ ହୋଇଛି ଏବଂ ଭାରତ ୭ଟି ମ୍ୟାଚ ଜିତିଛି। ଗୋଟିଏରେ ପାକିସ୍ତାନ ଜିତିଥିଲା। ଟି-୨୦ ବିଶ୍ୱକପ୍‌ରେ ଯେକୌଣସି ଦଳ ବିପକ୍ଷରେ ମ୍ୟାଚ୍‌ର ଏହା ହେଉଛି ସର୍ବାଧିକ ବିଜୟ ଧାରା। ଟିମ ଇଣ୍ଡିଆ ଏହି ପ୍ରସଙ୍ଗରେ ପାକିସ୍ତାନ ଏବଂ ଶ୍ରୀଲଙ୍କାକୁ ପଛରେ ପକାଇ ଦେଇଛି। ଟି-୨୦ ବିଶ୍ୱକପ୍‌ରେ ପାକିସ୍ତାନ ବାଂଲାଦେଶ ଏବଂ ଶ୍ରୀଲଙ୍କା ୱେଷ୍ଟଇଣ୍ଡିଜ ବିପକ୍ଷରେ ପ୍ରତ୍ୟେକ ୬ଟି ମ୍ୟାଚ ଜିତିଥିଲା। ବର୍ତ୍ତମାନ ଭାରତୀୟ ଦଳ ଆଗରେ ରହିଛି।

କେବଳ ଏତିକି ନୁହେଁ, ଟି-୨୦ ବିଶ୍ୱକପ୍‌ରେ ଭାରତ ସବୁଠାରୁ କମ ସ୍କୋରରେ ବି ବିଜୟ ହାସଲ କରିଛି। ଏହି ପ୍ରସଙ୍ଗରେ ଭାରତ ଶ୍ରୀଲଙ୍କା ସହିତ ସମକକ୍ଷ ହୋଇଥିଲେ। ୨୦୧୪ ଟି -୨୦ ବିଶ୍ୱକପରେ ଚିଟ୍ଟାଗଙ୍ଗରେ ନ୍ୟୁଜିଲାଣ୍ଡ ବିପକ୍ଷରେ ଶ୍ରୀଲଙ୍କା ଏହା କରିଛି। ଏଥି ସହିତ ଟି-୨୦ରେ ଭାରତୀୟ ଦଳ ଦ୍ୱାରା ହୋଇଥିବା ଏହା ମଧ୍ୟ ସର୍ବନିମ୍ନ ସ୍କୋର ଅଟେ । ଏହାପୂର୍ବରୁ ଟିମ ଇଣ୍ଡିଆ ୨୦୧୬ରେ ହରାରେ ଜିମ୍ବାୱେ ବିପକ୍ଷରେ ୧୩୯ ରନ ଲକ୍ଷ୍ୟକୁ ପିଛା କରିଥିଲା।

 

 

 

Leave A Reply

Your email address will not be published.