ଦୁର୍ନୀତି ମାମଲାରେ ଗିରଫ ହେଲେ ପୂର୍ବତନ ବିଧାୟକଙ୍କ ପୁଅ
ନୂଆଦିଲ୍ଲୀ : ଦିଲ୍ଲୀ ମଦ ଦୁର୍ନୀତି ମାମଲାରେ ଆକ୍ସନ ମୁଡ୍ରେ ରହିଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଏହି ମାମଲାରେ ଆଜି ଇଡି ପୂର୍ବତନ ବିଧାୟକଙ୍କ ପୁଅ ଗୌତମ ମଲହୋତ୍ରାଙ୍କୁ ଗିରଫ କରିଛି। ତାଙ୍କୁ ଆଜି ଦିଲ୍ଲୀର ଏକ ଅଦାଲତରେ ହାଜର କରାଯିବ। ଏଠାରେ ଇଡି ତାଙ୍କୁ ରିମାଣ୍ଡରେ ନେବାକୁ ଆବେଦନ କରିବ।
ପୂର୍ବତନ ଅକାଳି ଦଳର ବିଧାୟକ ଦୀପ ମଲୋହତ୍ରାଙ୍କ ପୁଅ ଗୌତମଙ୍କ ବିରୋଧରେ ମନି ଲଣ୍ଡରିଂ ଅଭିଯୋଗ ରହିଛି। ସେ ମଦ ତିଆରି କରୁଥିବା ବଡ଼ କମ୍ପାନୀ ଓଏସିସ୍ ଗ୍ରୁପର ନିର୍ଦ୍ଦେଶକ ମଧ୍ୟ ଅଛନ୍ତି।
ଉଲ୍ଲେଖଯୋଗ୍ୟ, ଅଗଷ୍ଟ ମାସରେ ୨୦୨୧-୨୨ ଅବକାରୀ ନୀତିକୁ ଶେଷ କରାଯାଇଥିଲା। ଦିଲ୍ଲୀ ଏଲ୍ଜି ଏହି ଅବକାରୀ ନୀତି ବିରୋଧରେ ସିବିଆଇକୁ ଯାଞ୍ଚ କରିବାକୁ କହିଥିଲେ। ସିବିଆଇ ଓ ଇଡି ମିଳିତ ଭାବେ ଏହି ମାମଲାର ଯାଞ୍ଚ କରୁଛି। ଏହି ମାମଲାରେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଓ ସରକାରଙ୍କ ଅନ୍ୟ ଅଧିକାରୀମାନେ ମଧ୍ୟ ରାଡାର୍ରେ ଅଛନ୍ତି। ତଦନ୍ତକାରୀ ସଂସ୍ଥା ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ଅଭିଯୁକ୍ତ କରିଛି ଏବଂ ତାଙ୍କୁ ମଧ୍ୟ ପଚରାଉଚରା କରାଯାଇଛି।
ଏହାପୂର୍ବରୁ ଆଜି ସକାଳୁ ସିବିଆଇ ହାଇଦ୍ରାବାଦରୁ ଜଣେ ଚାଟାର୍ଡ ଆକାଉଣ୍ଟାନ୍କୁ ମଧ୍ୟ ଏହି ମଦ ଦୁର୍ନୀତି ଅଭିଯୋଗରେ ଗିରଫ କରିଥିଲା। ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥିବା CA ବୁଚିବାବୁ ଗୋରାଣ୍ଟଲା ଭାରତୀୟ ଜାତୀୟ କମିଟିର ନେତା ତାଥା ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର୍ଙ୍କ ଝିଅ କବିତାଙ୍କ ପୂର୍ବତନ ସହଯୋଗୀ ବୋଲି କୁହାଯାଉଛି।
Comments are closed.