ଭଦ୍ରକ ଜିଲ୍ଲାରେ ପୁଣି ନାଗ ସାପ ଆତଙ୍କ

ଭଦ୍ରକ ଜିଲ୍ଲାରେ ପୁଣି ନାଗ ସାପ ଆତଙ୍କ ଦେଖିବାକୁ ମିଳିଛି । ଭଦ୍ରକ ଜିଲ୍ଲା ଧାମନଗରରୁ ୧୫ରୁ ଅଧିକ ନାଗ ସାପ ଛୁଆ ଉଦ୍ଧାର କରାଯାଇଛି | ସୂଚନାନୁସରେ ଧାମନଗର ବ୍ଲକ୍ ଅନହରପୁର ଗାଁର କପିଳେନ୍ଦ୍ର ବଳଙ୍କ ଘରେ ସାପ ଛୁଆ ଖେଳୁଥିବା ଦେଖିବାକୁ ମିଳିଥିଲା । ଏହା ଦେଖି ଘରଲୋକେ ସାପ ଧରାଳିଙ୍କୁ ଖବର ଦେଇଥିଲେ । ଘରେ ମାଟି ଖୋଳି ସାପ ଧରାଳି ୧୫ଟି ନାଗ ସାପ ଛୁଆଙ୍କୁ ଉଦ୍ଧାର କରିଛି ।ତେବେ ବଡ ନାଗ କି ନାଗୁଣୀ ମିଳିନଥିବା ବେଳେ ପରେ ବଡ ସାପକୁ ଧରାଯିବା ବୋଲି ସୂଚନା ମିଳିଛି । ଉଦ୍ଧାର ସାପ ଛୁଆଙ୍କୁ ବନବିଭାଗକୁ ହସ୍ତାନ୍ତର କରାଯିବ ବୋଲି ସାପ ଧରାଳି ଆସିଫ ଅଲ୍ଲୀ ମିର୍ଜା କହିଛନ୍ତି ।ଗତ ବର୍ଷ ଭଦ୍ରକ ଜିଲ୍ଲା ଧାମନଗର ଅଞ୍ଚଳରୁ ମାଟି ତଳୁ ଶତାଧିକ ନାଗ ସାପ ଛୁଆଙ୍କ ସହ ନାଗ ନାଗୁଣୀ ଉଦ୍ଧାର ହୋଇଥିଲା ଏବଂ ଅନେକ ସଂଖ୍ୟାରେ ସାପ ଅଣ୍ଡା ମଧ୍ୟ ଉଦ୍ଧାର କରାଯାଇଥିଲା । ତେବେ ଏବେ ପୁଣି ନାଗ ସାପ ଉଦ୍ଧାର ହେବା ଫଳରେ ଲୋକଙ୍କ ମନରେ ଭୟର ବାତାରବଣ ଖେଳିଯାଇଛି ।