ଚାମଚକୁ ଜାତୀୟତାର ମାନ୍ୟତା ଦାବି

ଆମେ ରୋଷେଇ ପାଇଁ ବ୍ୟବହାର କରୁତିବା ବା ଆମ ରୋଷେଇ ଘରେ ଉପସ୍ଥିତ ଥିବା ପ୍ରତ୍ୟେକ ପାତ୍ରର ନିଜସ୍ୱ ଗୁରୁତ୍ୱ ରହିଛି । କେତେକ ବାସନ ଯାହାକୁ ଆମେ କେବଳ ଅତିଥି ଚର୍ଚ୍ଚାରେ ବା ଅତିଥି ମାନଙ୍କୁ ଖାଦ୍ୟ ପରିବେଷଣ ବେଳେ ବ୍ୟବହୃତ ହୁଏ ଏବଂ କିଛି ବାସନରେ ଆମେ ପ୍ରତିଦିନ ଖାଦ୍ୟ ଖାଇଥାଉ । ଏହି ପରିପ୍ରେକ୍ଷୀରେ ଏକ କୌତୁହଳପୂର୍ଣ୍ଣ ଘଟଣା ସାମନାକୁ ଆସିଛି । ଜଣେ ବ୍ୟକ୍ତି ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଚାମଚକୁ ଜାତୀୟ ଚାମଚ ବୋଲି ଘୋଷଣା କରିବାକୁ ଦାବି କରିଛନ୍ତି । ଏହି ପୋଷ୍ଟଟି ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି ।

ଆପଣ ଆଜି ପର୍ଯ୍ୟନ୍ତ କେତେ ପ୍ରକାରର ଚାମଚ ଦେଖିଛନ୍ତି କିନ୍ତୁ ଆପଣ ଜାତୀୟ ଚାମଚ ବିଷୟରେ କେବେ ଶୁଣିଛନ୍ତି କି କିମ୍ବା ଦେଖିଛନ୍ତି କି ? ନିକଟରେ ଏକ ରେଡ୍ଡିଟ୍‌ ବ୍ୟବହାରକାରୀ ଏକ ଚାମଚର ଛବି ପୋଷ୍ଟ କରି ଏହାକୁ ଭାରତର ଜାତୀୟ ଚାମଚ ବୋଲି ଘୋଷଣା କରିବାକୁ ଆବେଦନ କରିଥିଲେ । ଉପଭୋକ୍ତା ପୋଷ୍ଟରେ ମଧ୍ୟ ଲେଖିଛନ୍ତି ଯେ ଯଦି ଆପଣଙ୍କର ଏହି ଚାମଚ ନାହିଁ ତେବେ ଆପଣ ମଧ୍ୟ ଏକ ଦେଶୀ ନୁହଁନ୍ତି । ଏହାସହିତ ଫଟୋରେ ଦେଖାଯାଇଥିବା ଚାମଚ ଉପରେ ଏକ ଅତି ସୁନ୍ଦର ଡିଜାଇନ୍‌ ହୋଇଛି ।

ଉପଭୋକ୍ତାମାନେ ଏହି ଭାଇରାଲ୍‌ ପୋଷ୍ଟକୁ ବହୁତ ପସନ୍ଦ କରିଛନ୍ତି । ଲୋକମାନେ ମନ୍ତବ୍ୟ ବିଭାଗରେ ନିଜର ମତାମତ ଦେଉଛନ୍ତି । ତେବେ ଅନେକ ଉପଭୋକ୍ତା କୁହନ୍ତି ଯେ ସେମାନଙ୍କ ଘରେ ମଧ୍ୟ ଏହି ଚାମଚ ଅଛି । ଏଥି ସହିତ, ଜଣେ ଉପଭୋକ୍ତା ଏହି ଚାମଚ ଭାଙ୍ଗିଯିବାରୁ ନିଜର ଦୁଃଖ ପ୍ରକାଶ କରିଛନ୍ତି ।
ଏହି ଚାମଚଟି କେବଳ ଯେ ଭାରତରେ ନୁହେଁ ଅନ୍ୟ ଦେଶର ଲୋକଙ୍କର ମଧ୍ୟ ଏହି ଚାମଚ ଥିବା ଜଣାଯାଇଛି ।

ଭାଇରାଲ୍‌ ପୋଷ୍ଟରେ ଦେଖାଯାଇଥିବା ଏହି ଚାମଚର ଡିଜାଇନ୍‌ ବହୁତ ସାଧାରଣ ଏବଂ ଘରେ ଅନେକ ଲୋକ ଏହି ଡିଜାଇନ୍‌ ର ଏକ ଚାମଚ ରଖିଥାଆନ୍ତି । ଏହି କାରଣରୁ ଲୋକମାନେ ଏହି ଭାଇରାଲ୍‌ ପୋଷ୍ଟଟିକୁ ବହୁତ ପସନ୍ଦ କରିବା ସହିତ ସେୟାର ମଧ୍ୟ କରୁଛନ୍ତି ।