ଜାତୀୟ ରାଜପଥରେ ମର୍ମନ୍ତୁଦ ସଡ଼କ ଦୃଘଟଣାରେ ଜଣେ ମୃତ

ମାଲକାନଗିରି(ଅପୂର୍ଵ ଥଣ୍ଡର) : ମାଲକାନଗିରି ଠାରୁ ୧୫କିମି ଦୂର ୧୨୬ ନମ୍ବର ଜାତୀୟ ରାଜପଥରେ ପିକଅପ ସହ ମୋଟର ସାଇକେଲ ମୁହାଁମୁହିଁ ଧକ୍କାରେ ଜଣେ ବାଇକ ଆରୋହିଙ୍କ ମୃତ୍ୟୁ ଘଟିଛି ।ସୁଚନାରୁ ପ୍ରକାଶ ମୃତ ଅଜିତ ଢାଲି ନାମକ ଯୁବକ ଶିକ୍ଷପାଲ୍ଲୀ ହାଟରୁ ସଉଦା କରି ନିଜ ଗାଁ ଏମ ଭି ୧୫ କୁ ଫେରିବା ସମୟରେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ପିକ୍ ଅପ ଗାଡି ଧକ୍କା ଦେଇଥିଲା । ଫଳରେ ମୋଟର ସାଇକେଲର ଚାଳକ ଘଟଣା ସ୍ଥଳରେ ମୃତ୍ୟୁ ବରଣ କରିଥିଲେ । ଘଟଣା ସ୍ଥଳରୁ ଡ୍ରାଇଭର ଫେରାର ହୋଇ ଯାଇଥିବା ବେଳେ ସ୍ଥାନୀୟ ଜନସାଧାରଣ ଗାଡ଼ି ଅଟକ ରଖି ସହାୟତା ଦାବିରେ ରାସ୍ତା ଅବରୋଧ କରିଛନ୍ତି । ଘଟଣା ସ୍ଥଳରେ ମାଲକାନଗିରି ପୋଲିସ ପହଁଚି ଲୋକମାନଙ୍କୁ ବୁଝାଇବା ସହ ଆଲୋଚନା କରିଥିବା ଜଣାପଡ଼ିଛି ।