୩୦ ଗ୍ରାମ ବ୍ରାଉନସୁଗାର ସହ ଦୁଇ ଅଭିଯୁକ୍ତ ଗିରଫ

ଭଦ୍ରକ, ନିମାଇଁ ନାୟକ : ଜିଲ୍ଲା ପୁଲିସକୁ ମିଳିଛି ବଡ ସଫଳତା। ପେଟ୍ରୋଲିଂ ସମୟରେ ଧରପଡିଲେ ଦୁଇ ବ୍ରାଉନସୁଗାର ବେପାରୀ। ଖସି ପଳାଉଥିବା ବେଳେ ଧରିଲା ଭଦ୍ରକ ଗ୍ରାମାଞ୍ଚଳ ପୁଲିସ। ଗିରଫ ଯୁବକଙ୍କ ପାଖରୁ ୩୦ ଗ୍ରାମର ବ୍ରାଉନସୁଗାର ସହ ଗୋଟେ ବାଇକ ଓ ଦୁଇଟି ମୋବାଇଲ ଜବତ କରିଛି ପୁଲିସ । ଗିରଫ ଦୁଇ ଅଭିଯୁକ୍ତ ହେଲେ ବନମାଳୀ ମଲ୍ଲିକ ଓ ଭରତ ମଲ୍ଲିକ ।ଏହି ଦୁଇ ଜଣ ବରାଳ ପୋଖରୀର ବୋଲି ଜଣାପଡିଛି । ପୁଲିସ କୁ ଦେଖି ଖସି ପଳାଉଥିବା ସମୟରେ ରାଣୀତଲ ଜଗଦଲପୁର କେନାଲ ନିକଟରେ ପୁଲିସ ଏମାନଙ୍କୁ କାବୁ କରିନେଇଥିଲ।। ଗ୍ରାମାଞ୍ଚଳ ପୁଲିସ ଏକ ମାମଲା ରୁଜୁ କରିଥିବା ବେଳେ ରାକେଟକୁ ଧରିବା ପାଇଁ ତନାଘନା ଜାରି ରଖିଛି ।