ସ୍କୁଲ ଅଟୋକୁ ଧକ୍କା ଦେଲା ଟ୍ରକ, ଅଳ୍ପକେ ବର୍ତ୍ତିଲେ ୧୪ ଛାତ୍ରଛାତ୍ରୀ

ଢେ଼ଙ୍କାନାଳ, ନିହାର ରଞ୍ଜନ ସାହୁ : କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥର ଆଳତୁମା ଛକ ନିକଟରେ ସ୍କୁଲ ଅଟୋକୁ ଧକ୍କା ଦେଲା ଟ୍ରକ, ଅଳ୍ପକେ ବର୍ତ୍ତିଲେ ୧୪ ଜଣ ଛାତ୍ରଛାତ୍ରୀ । ୩ ଜଣ ଛାତ୍ରଛାତ୍ରୀଙ୍କୁ ଆହତ ଅବସ୍ଥାରେ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଛି । ସମସ୍ତ ଛାତ୍ରଛାତ୍ରୀ ମାନେ କାଦୁଆ ଗ୍ରାମରୁ କାମାକ୍ଷାନଗର ସ୍ଥିତ ଶ୍ରୀମା ଅରବିନ୍ଦ ଶିକ୍ଷା କେନ୍ଦ୍ରକୁ ଆସୁଥିଲେ । ଆସିବା ବାଟରେ ତାଳଚେରରୁ ଡୁବୁରୀ ଯାଉଥିବା ଏକ ଟ୍ରକ ସ୍କୁଲ ଅଟୋକୁ ଧକ୍କା ଦେଇଥିଲା। ଆହତ ଛାତ୍ରଛାତ୍ରୀ ମାନେ ହେଲେ ବିଦ୍ୟାଳୟର ସ୍ୱସ୍ତିକ ସ୍ୱରାଜ ସାହୁ, ଭାରତୀ ନାୟକ ଏବଂ ସରସ୍ବତୀ ସାହୁ । ସମସ୍ତଙ୍କୁ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ କାମାକ୍ଷାନଗର ପୋଲିସ ପହଞ୍ଚି ଦୁର୍ଘଟଣାଗ୍ରସ୍ତ ଅଟୋକୁ ଜବତ କରିବା ସହ ତଦନ୍ତ ଚଳାଇଛନ୍ତି । ତେବେ ଅଟୋ ଚାଳକ ଅଟୋ ଛାଡି ଫେରାର ହୋଇଯାଇଥିବା ଜଣାପଡିଛି ।