ବିଶ୍ୱର ପ୍ରତିଷ୍ଠାତା ହେଉଛନ୍ତି ବିଶ୍ୱକର୍ମା । ବିଶ୍ୱକର୍ମା ଅନ୍ୟ ଅର୍ଥରେ ବିଶ୍ୱର ସୃଷ୍ଟି କର୍ତ୍ତା । ଆଜି ହେଉଛି ସେହି ବିଶ୍ୱ ସୃଷ୍ଟି କର୍ତ୍ତାଙ୍କ ଆରାଧନାର ଦିନଟିଏ । ପବିତ୍ର ବିଶ୍ୱକର୍ମା ପୂଜା । ବିଶ୍ୱକର୍ମା ସମସ୍ତ ଶିଳ୍ପକର୍ମର ଉଦ୍ଭାବକ ଓ ପ୍ରକାଶକ ରୂପେ ପୂଜା ପାଆନ୍ତି । ଦେବଶିଳ୍ପୀ ବିଶ୍ୱକର୍ମା ଦେବତାଙ୍କ ସ୍ୱର୍ଗପୁରୀ, ସଭାଗୃହ ଓ ସମସ୍ତ ଅସ୍ତ୍ରଶସ୍ତ୍ରର ନିର୍ମାତା ।
ଆଧୁନିକ ଯୁଗରେ ନାନା ଶିଳ୍ପର ଅଭିବୃଦ୍ଧି ଘଟିବା ସହ ବିଶ୍ୱକର୍ମା ପୂଜାର ପ୍ରସାର ସବୁଠାରେ ବଢ଼ିଚାଲିଛି । ସ୍ଥାନେସ୍ଥାନେ ନିର୍ମିତ ମୂର୍ତ୍ତି ପୂଜା ପରେ ଦୁଇ ତିନିଦିନ ରହୁଥିବାର ଦେଖାଯାଏ । ତା’ ଛଡ଼ା ଏହି ପୂଜା ଉପଲକ୍ଷେ କାରଖାନା, ଶିଳ୍ପସଂସ୍ଥାରେ ଭୋଜିଭାତ ଆୟୋଜନ ହୁଏ । ଭାରତର ପ୍ରାୟ ଅଧିକାଂଶ ଶିଳ୍ପକାରଖାନାରେ ବିଶ୍ୱକର୍ମା ପୂଜା ମହା ଆଡ଼ମ୍ବରରେ ପାଳନ କରାଯାଏ ।
Comments are closed.