ସ୍କୁଲ ବସ ଦୁର୍ଘଟଣା, ବନ୍ଧା ହେଲେ ସ୍କୁଲ ପ୍ରିନ୍ସିପାଲ୍

ହରିୟାଣାର ମହେନ୍ଦ୍ରଗର ଜିଲ୍ଲା କାନିନା ଦାଦ୍ରି ରାସ୍ତାରେ ଗତକାଲି ଏକ ସ୍କୁଲ ବସ୍‌ ଦୁର୍ଘଟଣାଗ୍ରସ୍ତ ହୋଇ ୬ ଛାତ୍ରଛାତ୍ରୀ ଆଖି ବୁଜିଥିବା ବେଳେ ୨୦ରୁ ଅଧିକ ପିଲା ଗୁରୁତର ହୋଇଛନ୍ତି। ଏହି ଘଟଣାରେ ୩ ଜଣ ବନ୍ଧା ହୋଇଥିବା ବେଳେ ସ୍କୁଲକୁ ଦିଅଯାଇଛି କାରଣ ଦର୍ଶାଓ ନୋଟିସ୍‌। ଏଥିସହ ସ୍କୁଲର ଅନୁମୋଦନକୁ ବାତିଲ କରିବାକୁ ବି ରାଜ୍ୟ ସରକାରଙ୍କୁ ପତ୍ର ଲେଖା ଯାଇଛି।

ଗିରଫମାନଙ୍କ ମଧ୍ୟରେ ସ୍କୁଲ ପ୍ରିନ୍ସିପାଲ, ସ୍କୁଲର ଜଣେ ଅଧିକାରୀ ଓ ବସ୍‌ ଡ୍ରାଇଭର ଥିବା ଜଣାଯାଇଛି। ଏହି ମାମଲାର ପରିବହନ ବିଭାଗର ଆସିଷ୍ଟାଣ୍ଟ ସେକ୍ରେଟାରୀଙ୍କୁ ସସ୍‌ପେଣ୍ଡ କରାଯାଇଛି। ଗତକାଲି ଇଦ୍‌ରେ ସରକାରୀ ଛୁଟି ଥିବା ବେଳେ କ’ଣ ପାଇଁ ସ୍କୁଲ ଖୋଲା ଯାଇଥିଲା ସେ ନେଇ କର୍ତ୍ତୃପକ୍ଷଙ୍କୁ ଦିଆଯାଇଛି କାରଣ ଦର୍ଶାଅ ନୋଟିସ୍‌।