ଅଡ଼ୁଆରେ ଆମେରିକା ରାଷ୍ଟ୍ରପତି, ଜାଣନ୍ତୁ କାହିଁକି

0

ୱାସିଂଟନ: ଶନିବାର ଡେଲାୱାର-ସ୍ଥିତ ବାସଭବନରୁ ୫ଟି ବର୍ଗୀକୃତ ଗୋପନୀୟ ଫାଇଲ ମିଳିବା ପରେ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ଅଡ଼ୁଆ ବଢ଼ିଛି। ବାଇଡେନଙ୍କ ପରାମର୍ଶଦାତା ରିଚାର୍ଡ ‌ସୌବର କହିଛନ୍ତି ଯେ ଫାଇଲଗୁଡ଼ିକ ସଙ୍ଗେ ସଙ୍ଗେ ନ୍ୟାୟ ବିଭାଗ ଅଧିକାରୀମାନଙ୍କୁ ହସ୍ତାନ୍ତର କରାଯାଇଛି।

ଏହି ବର୍ଗୀକୃତ ଦଲିଲଗୁଡ଼ିକୁ ନେଇ ରାଷ୍ଟ୍ରପତି ପଦ ଗଲା ପରେ ଡୋନାଲ୍‌ଡ ଟ୍ରମ୍ପଙ୍କ ଉପରେ କିପରି ତଦନ୍ତ କରାଯାଇଥିଲା ଏବଂ ଏବେ ସମାନ ଦୋଷ ପାଇଁ ରାଷ୍ଟ୍ରପତି ପଦରେ ଥିବା ବାଇଡେନଙ୍କ ପ୍ରତି କିପରି ବ୍ୟବହାର କରାଯାଉଛି ତାହାର ତୁଳନା କରିବାକୁ ରିପବ୍ଲିକାନମାନେ କହିଛନ୍ତି। ଟ୍ରମ୍ପଙ୍କ ଫ୍ଲୋରିଡ଼ା-ସ୍ଥିତ ବାସଭବନ ଉପରେ ଏଫ୍‌ବିଆଇ ଚଢ଼ଉ କରିଥିଲା ଏବଂ ବାଇଡେନଙ୍କ ଘର ଉପରେ ଏପର୍ଯ୍ୟନ୍ତ ଏଫ୍‌ବିଆଇ ଚଢ଼ଉ କରିନାହିଁ ବୋଲି ସେମାନେ ଅଭିଯୋଗ କରିଛନ୍ତି। ତେବେ ହ୍ବାଇଟ୍ ହାଉସ୍ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି ଯେ, ଉଭୟ ଘଟଣା ଭିନ୍ନ। ବାଇଡେନ ତଦନ୍ତରେ ସହଯୋଗ କରୁଛନ୍ତି ଏବଂ ଫାଇଲଗୁଡ଼ିକ ଆଣି କର୍ତ୍ତୃପକ୍ଷଙ୍କୁ ହସ୍ତାନ୍ତର କରୁଛନ୍ତି କିନ୍ତୁ ଟ୍ରମ୍ପ ସହଯୋଗ କରୁ ନ ଥିଲେ। ସେଥିପାଇଁ ଏଫ୍‌ବିଆଇକୁ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡ଼ିଲା।

Leave A Reply

Your email address will not be published.