ପଶ୍ଚିମବଙ୍ଗରେ ସିଏଏ ଲାଗୁ କରାଯାଉ, କିଏ କହିଲେ ଜାଣନ୍ତୁ

କୋଲକାତା : ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କର ସାହସ ଥିଲେ ଏହାକୁ ‌େରାକି ଦେଖାନ୍ତୁ ବୋଲି ସେ ଆହ୍ବାନ ଦେଇଛନ୍ତି। ଉତ୍ତର ୨୪ ପ୍ରଗଣା ଜିଲ୍ଲାର ଠାକୁରନଗରରେ ଆୟୋଜିତ ଏକ ବୈଠକରେ ଶୁଭେନ୍ଦୁ ଅଧିକାରୀ କହିଛନ୍ତି ଯେ ମତୁଆ ସମ୍ପ୍ରଦାୟର ସମସ୍ତ ସଦସ୍ୟଙ୍କୁ ନାଗରିକତା ପ୍ରଦାନ କରାଯିବ। ଆମେ ସିଏଏ ବିଷୟରେ ଅନେକ ଥର ଆଲୋଚନା କରିଛୁ। ରାଜ୍ୟବାସୀ ଏଥିପାଇଁ ପ୍ରସ୍ତୁତ ଅଛନ୍ତି ବୋଲି ସେ କହିଛନ୍ତି। ଆଫଗାନିସ୍ତାନ, ବାଂଲାଦେଶ ଏବଂ ପାକିସ୍ତାନରୁ ଆସିଥିବା ହିନ୍ଦୁ, ଶିଖ, ବୌଦ୍ଧ, ଜୈନ, ପାର୍ସୀ ଏବଂ ଖ୍ରୀଷ୍ଟିଆନ ସମ୍ପ୍ରଦାୟର ପ୍ରବାସୀମାନଙ୍କୁ ନାଗରିକତା ପ୍ରଦାନରେ କରିବା ପାଇଁ କେନ୍ଦ୍ର ସରକାର ପଦକ୍ଷେପ ନେବେ ବୋଲି ଅଧିକାରୀ କହିଛନ୍ତି।

ସୂଚନାଯୋଗ୍ୟ, ରାଜ୍ୟରେ ଆନୁମାନିକ ୩୦ ଲକ୍ଷ ମତୁଆ ସମ୍ପ୍ରଦାୟ ଲୋକ ଅଛନ୍ତି। ନଦିଆ, ଉତ୍ତର ଏବଂ ଦକ୍ଷିଣ ୨୪ ପ୍ରଗଣା ଜିଲ୍ଲାର ୫ଟି ଲୋକସଭା ଆସନ ଏବଂ ୫୦ଟି ବିଧାନସଭା ଆସନରେ ମତୁଆ ସମ୍ପ୍ରଦାୟର ପ୍ରଭାବ ରହିଛି।