ହାଇୱା ଟ୍ରକ ଧକ୍କାରେ ଜେଲ ୱାର୍ଡରଙ୍କ ମୃତ୍ୟୁ

ଢେ଼ଙ୍କାନାଳ, ନିହାର ରଞ୍ଜନ ସାହୁ : କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥର ଜିରିଡାମାଳି ଛକ ନିକଟରେ ହାଇୱା ଧକ୍କାରେ ଜେଲ ୱାର୍ଡରଙ୍କ ମୃତ୍ୟୁ ହୋଇଛି । ମୃତକ କାମାକ୍ଷାନଗର ଥାନା ବାଲିଗୋରଡ଼ ପଂଚାୟତ ଅନ୍ତର୍ଗତ କନ୍ତାରିପାଟ ଗ୍ରାମର ଯୁବକ ପ୍ରକାଶ ବେହେରା ବୋଲି ଜଣାପଡିଛି । ପ୍ରକାଶ କାମାକ୍ଷାନଗର ଜେଲରେ ୱାର୍ଡର ଭାବରେ କାର୍ଯ୍ୟ କରୁଥିଲେ ।ଆଜି ସେ ଜେଲରୁ ଡ୍ୟୁଟି ସାରି ଅପରାହ୍ନ ପ୍ରାୟ ୨ଟା ୫ମିନିଟ ସମୟରେ ନିଜ ବାଇକ ଯୋଗେ ଘରକୁ ଯାଉଥିବା ବେଳେ ଦୁର୍ଘଟଣା ଘଟିଥିଲା । ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଏକ ହାଇୱା ଟ୍ରକ ସହ ତାଙ୍କର ମୁହାଁ ମୁହିଁ ଧକ୍କା ହେବ ସହ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଖବର ପାଇ କାମାକ୍ଷାନଗର ପୋଲିସ ମୃତ ଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରିଛନ୍ତି । ହାଇୱା ଟ୍ରକଟିକୁ ପୋଲିସ ଜବତ କରିବା ସହ ତଦନ୍ତ ଜାରି କରିଛନ୍ତି । ତେବେ ଟ୍ରକର ଚାଳକ ଦୁର୍ଘଟଣା ଘଟାଇ ଘଟଣା ସ୍ଥଳରୁ ଫେରାର ହୋଇ ଯାଇଛି। ଏ ନେଇ ମେଡ଼ିକାଲ ପରିବେଶରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।