ମୁଁ ଏନଡିଏ ଛାଡ଼ି ନାହିଁ , ପବନ କଲ୍ୟାଣ

ହାଇଦ୍ରାବାଦ୍‌,: ଜନସେନା ପାର୍ଟି ସଭାପତି ପୱନ କଲ୍ୟାଣ ଏନଡିଏ ଛାଡୁଥିବା ଚର୍ଚ୍ଚାକୁ ସମ୍ପୂର୍ଣ୍ଣ ପ୍ରତ୍ୟାଖ୍ୟାନ କରିଛନ୍ତି। ଭବିଷ୍ୟତରେ ଯଦି ସେ ଏପରି ନିଷ୍ପତ୍ତି ନିଅନ୍ତି ତେବେ ସେ ଏହାକୁ ସଠିକ ଭାବରେ ଘୋଷଣା କରିବେ ବୋଲି ସେ କହିଛନ୍ତି। କଲ୍ୟାଣ ଟିଡିପିକୁ ସମର୍ଥନ କରିବା ପାଇଁ ଏନଡିଏ ହାତ ଛାଡିବେ ବୋଲି ଚର୍ଚ୍ଚା ହେଉଥିଲା। ଏହା ବ୍ୟତୀତ ସେ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀଙ୍କ ଉପରେ ମଧ୍ୟ କଟାକ୍ଷ କରି ଆଗାମୀ ନିର୍ବାଚନ ଉପରେ ଧ୍ୟାନ ଦେବାକୁ ପରାମର୍ଶ ଦେଇଥିଲେ।

ପୱନ କଲ୍ୟାଣ କହିଛନ୍ତି ଯେ, ଏନଡିଏ ଛାଡିବା ପୂର୍ବରୁ ମୁଁ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ଏବଂ ଅନ୍ୟ ଓ୍ବାଇଏସ୍‌ଆର୍‌ସିପି ନେତାମାନଙ୍କୁ ପରାମର୍ଶ ଦେବାକୁ ଚାହୁଁଛି। ସେମାନେ ନିଜ ପାର୍ଟିର ଯତ୍ନ ନେବା ଉଚିତ୍‌। ଆଗାମୀ ନିର୍ବାଚନ ପ୍ରତି ଧ୍ୟାନ ଦିଅନ୍ତି। ସେମାନେ ୧୭୫ ସିଟ କିପରି ଜିତିବେ ତାହା ସ୍ଥିର କରନ୍ତୁ।