ଆଜି ସୋରେନଙ୍କ ମାମଲାରେ ସୁପ୍ରିମକୋର୍ଟରେ ଶୁଣାଣି

0

ରାଞ୍ଚି: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ ଗିରଫ ମାମଲା। ଗିରଫଦାରୀ ବିରୋଧରେ ହେମନ୍ତ ସୋରେନଙ୍କ ଆବେଦନର ଆଜି ଶୁଣାଣି କରିବେ ସୁପ୍ରିମକୋର୍ଟ। ଏହାକୁ ଦୃଷ୍ଟିରେ ରଖି ଗତକାଲି ପିଏମଏଲଏ କୋର୍ଟ ଇଡିର ରିମାଣ୍ଡ ଆବେଦନ ଉପରେ ଶୁଣାଣି କରି ନଥିଲେ। ଆଜି ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ପିଏମଏଲଏ କୋର୍ଟ ରିମାଣ୍ଡ ଆବେଦନ ଉପରେ ଶୁଣାଣି କରିବେ।

ହେମନ୍ତ ସୋରେନଙ୍କୁ ୧୦ ଦିନ ପାଇଁ ରିମାଣ୍ଡରେ ନେବାକୁ ଆବେଦନ କରିଥିଲା ଇଡି । ତେବେ କୋର୍ଟ ରାୟ ସଂରକ୍ଷିତ ରଖିଛନ୍ତି। ଏଥିସହ ତାଙ୍କୁ ଦିନକ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି। ଗତକାଲି ରାତିରେ ବିଚାର ବିଭାଗୀୟ ହାଜତରେ ରାତିକାଟିଥିଲେ ହେମନ୍ତ। କୋର୍ଟ ପରିସରରୁ ହେମନ୍ତ ସୋରେନଙ୍କୁ ଜେଲ ନିଆଯାଉଥିବା ବେଳେ ଜେଏମଏମର ନେତା ଓ କାର୍ଯ୍ୟକର୍ତ୍ତା ଧର୍ଯ୍ୟ ହରା ହୋଇପଡ଼ିଥିଲେ। ହେମନ୍ତ ସୋରେନଙ୍କୁ ନେଇ ଯାଉଥିବା ଗାଡ଼ିର ପିଛା କରିଥିଲେ। କିନ୍ତୁ ପୋଲିସ୍ ସେମାନଙ୍କୁ ଅଟକାଇ ଦେଇଥିଲା।

Leave A Reply

Your email address will not be published.