ଦକ୍ଷିଣଶୁଣ୍ଡି ସାଂସ୍କୃତିକ ମହାସଂଘର ସାଧାରଣ ସଭା ଆୟୋଜିତ

କଳାହାଣ୍ଡି, ଶ୍ରୀନିବାସ ସାହୁ : କଳାହାଣ୍ଡି ଜୁନାଗଡ଼ ବ୍ଲକ ସ୍ଥିତ ଗୁରୁଗୀତା ସ୍ମାର୍ଟ ସ୍କୁଲ ପରିସରରେ ଦକ୍ଷିଣଶୁଣ୍ଡି ସାଂସ୍କୃତିକ ମହାସଂଘ ଧର୍ମଗଡ଼ ଶାଖା ଓ ଜୁନାଗଡ଼ ଆଞ୍ଚଳିକ କମିଟିର ଏକ ସାଧାରଣସଭା ଆୟୋଜନ କରାଯାଇଥିଲା l ଉକ୍ତସଭାରେ ସଙ୍ଘର ବରିଷ୍ଠ ସଭ୍ୟ ଯଦୁମଣି ସାହୁ ଓ ସମ୍ପାଦକ ତଥା ଆଇନଯିବି ଥବିରପ୍ରସାଦ ସାହୁ, ସଭାପତିତ୍ତ୍ୱ କରିଥିବାବେଳେ ବୈଠକର ସର୍ବ ସମ୍ମତ୍ତିକ୍ରମେ ମହାସଂଘର ସଭାପତି ଭାବେ ବିଦ୍ୟାଧର ସାହୁ, ଉପସଭାପତି ଭୁବନେଶ୍ୱର ସାହୁ, ଯଦୁମଣି ସାହୁ, ସମ୍ପାଦକ ମନୋଜ ସାହୁ, ସହସମ୍ପାଦକ ପ୍ରଦୀପ ସାହୁ, ଲକ୍ଷ୍ୟପତି ସାହୁ, କୋଷାଧ୍ୟକ ଶ୍ରୀନିବାସ ସାହୁଙ୍କୁ ମନୋନୀତ କରାଯାଇଥିଲେ l କମିଟିର କାର୍ଯ୍ୟକାରୀ ସଦଶ୍ୟ ଭାବେ ଶରତଚନ୍ଦ୍ର ସାହୁ, ସାଇଗୋପାଳ ସାହୁ, ସଂଜୀବ ସାହୁ, ବିଦ୍ୟା ସାହୁ ପ୍ରମୁଖ ଥିବା ଉପସ୍ଥିତ ଥିବାବେଳେ ସଙ୍ଘର ବରିଷ୍ଟ ସଭ୍ୟ ପର୍ଶୁରାମ ସାହୁ ସ୍ୱାଗତ ଭାଷଣ ଦେଇଥିଲେ l ଆଗାମି ଦିନରେ ଶୁଣ୍ଡି ସମାଜକୁ କିପରି ମଜଭୁତ କରିହେବ ଓ ସମାଜର ତଳସ୍ତରରେ ଥିବା ଲୋକ ମାନଙ୍କର ଉନ୍ନତିସାଧନ କରାଯାଇପାରିବ ସେନେଇ ମାର୍ଗଦର୍ଶନ ଦେଇଥିଲେ l ଉକ୍ତ ବୈଠକରେ ଧର୍ମଗଡ ଓ ଜୁନାଗଡ଼ ଅଂଚଳର ଶୁଣ୍ଡି ପରିବାରର ବହୁ ସଦସ୍ୟ ଯୋଗ ଦେଇଥିବାବେଳେ, ନାରାୟଣ ସାହୁ ଧନ୍ୟବାଦ ଦେଇ ସଭାସାଙ୍ଗ କରିଥିଲେ l ସମାଜର ଏପରି ଚିନ୍ତା ଓ ପଦକ୍ଷେପକୁ ସମାଜର ବରେଣ୍ୟ, ବିଜ୍ଞ, ବୁଦ୍ଧିଯିବି ମାନଙ୍କ ଭୁରିୟସି ପ୍ରଶଂସା ମିଳିବାସହ, ଏପରି ପ୍ରଚେଷ୍ଟାକୁ ସ୍ୱାଗତ କରାଯାଉଛି l