ସୁଇପର ମାନଙ୍କୁ ବିଜେପି ଜିଲ୍ଲା ସଭାପତି ପକ୍ଷରୁ ସମ୍ବର୍ଦ୍ଧନା

ଜଗତସିଂହପୁର, ମହେଶ୍ବର ତ୍ରିପାଠୀ : COVID-19 ସାରା ବିଶ୍ବରେ ମହାମାରୀ ରୂପ ନେଇଥିବା ବେଳେ, ଏହି ସଂକ୍ରମଣରୁ ଜଗତସିଂହପୁର ପୌରପରିଷଦ ବାସୀଙ୍କୁ ସୁରକ୍ଷା ଯୋଗାଇ ଦେବା ପାଇଁ ପୌର କାର୍ଯ୍ୟାଳୟର ସୁଇପରମାନେ ପୌରାଂଚଳର ୨୧ଟି ୱାର୍ଡରେ ଦିନ ରାତିକୁ ଏକ କରି କାର୍ଯ୍ୟକରୁଛନ୍ତି । ଏପରିକି କୋଭିଡର ଭୟକୁ ଭୃକ୍ଷେପ ନକରି ପ୍ରତି ୱାର୍ଡର ରାସ୍ତାଘାଟରୁ ଆରମ୍ଭ କରି ସହରରେ ପଡିଥିବା ଅଳିଆ ଆବର୍ଜନାକୁ ପରିଷ୍କାର କରିଆସୁଛନ୍ତି । ତେଣୁ ଏହି କରୋନା ଯୁଦ୍ଧରେ ସୁଇପରମାନେ ମୂଖ୍ୟ ଭୁମିକା ଲିଭାଇ ଆସୁଥିବାରୁ ଜିଲ୍ଲା ବିଜେପି ସଭାପତି ସତ୍ୟବ୍ରତ ମହାପାତ୍ର ସେମାନଙ୍କୁ ପୌରକାର୍ଯ୍ୟାଳୟ ସମ୍ମୁଖରେ ଗାମୁଛା, ବିସ୍କୁଟ ଓ ପୁଷ୍ପଗୁଚ୍ଛ ଦେଇ ସମ୍ମାନିତ କରିଛନ୍ତି । ଏହି ସମୟରେ ଅନ୍ୟମାନଙ୍କ ମଧ୍ୟରେ ବିଜେପି ମିଡିଆ ସେଲର ଗଣେଷ ପ୍ରସାଦ ମହାନ୍ତି, ନଗର ପ୍ରତିନିଧି ଗଜେନ୍ଦ୍ର ବିଶୋଇ, ନଗର ଯୁବମୋର୍ଚା ସମ୍ପାଦକ ପ୍ରଜ୍ଞାନ ପ୍ରଣବ ଆଚାର୍ଯ୍ୟ ପ୍ରମୁଖ ଯୋଗଦେଇଥିଲେ ।