ପୁଣି ପଡ଼ିଆରେ ଧୋନୀଙ୍କ ଜଲୱା
ହାଇଦ୍ରାବାଦ: ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ । ଯିଏ ପଡ଼ିଆକୁ ଓହ୍ଲାଇଲେ ଫ୍ୟାନ୍ସଙ୍କ ଚିଅରଅପ ଆରମ୍ଭ ହୋଇଯାଏ । ଏବେ ପୁଣି ପଡ଼ିଆରେ ନିଜର ଜଲୱା ଦେଖାଇବେ ଧୋନୀ । ସିଏସକେ ପକ୍ଷରୁ ଆଗାମୀ ଇଣ୍ଡିଆନ ପ୍ରିମିୟର ଲିଗ ସିଜିନରେ ଧୋନୀ ନେତୃତ୍ୱ ନେବାକୁ ଯାଉଛନ୍ତି ।
କ୍ୟାପଟେନ କୁଲ ଭାବେ ପରିଚିତ ମହେନ୍ଦ୍ର ସିଂହ ଧୋନୀ ସିଏସକେ ପକ୍ଷରୁ ଆଗାମୀ ସିଜନରେ ନେତୃତ୍ୱ ଜାରି ରଖିବେ । ଏନେଇ ଚେନ୍ନାଇ ସୁପର କିଙ୍ଗ୍ସ ସିଇଓ କାଶୀ ବିଶ୍ୱନାଥ ସୂଚନା ଦେଇଛନ୍ତି । ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗସ ଚାରିଥର ଆଇପିଏଲ ଟ୍ରଫି ହାତେଇଛି ।
ଆଗାମୀ ଆଇପିଏଲ ସିଜନରେ ଧୋନୀଙ୍କର ପ୍ରାୟ ୪୨ ବର୍ଷ ପାଖାପାଖି ହେବ । ହେଲେ ଏବେବି ଧୋନୀ ଦଳର ସକ୍ରିୟ ଖେଳାଳି ଭାବରେ ରହିଛନ୍ତି । ୨୦୨୨ ଆଇପିଏଲ ସଂସ୍କରଣର ଦୁଇ ଦିନ ପୂର୍ବରୁ ଅଧିନାୟକ ପଦରୁ ଇସ୍ତଫା ଦେଇଥିଲେ ଏବଂ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କୁ ଅଧିନାୟକ ଦାୟିତ୍ୱ ଦିଆଯାଇଥିଲା । ହେଲେ ଅଧିନାୟକ ହିସାବରେ ରବୀନ୍ଦ୍ର ଜାଡେଜା ବିଫଳ ରହିଥିଲେ । ତାଙ୍କ ନେତୃତ୍ୱରେ ଦଳ ଏତେଟା ଆଖିଦୃଶିଆ ପ୍ରଦର୍ଶନ କରିନଥିଲା । ପରେ ଆଇପିଏଲ ମଝିରେ ରବୀନ୍ଦ୍ର ଜାଡେଜା ନିଜ ଆଡୁ ଅଧିନାୟକ ପଦରୁ ଇସ୍ତଫା ଦେଇଥିଲେ ।
ଏହା ପରେ ପୁଣି ଥରେ ମହେନ୍ଦ୍ର ସିଂ ଧୋନୀଙ୍କୁ ନେତୃତ୍ୱ ଦିଆଯାଇଥିଲା । ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ଚେନ୍ନାଇ ପ୍ରଥମ ଥର ପାଇଁ ୨୦୧୦ ମସିହାରେ ଆଇପିଏଲ ଟାଇଟଲ ହାସଲ କରିବାରେ ସଫଳ ହୋଇଥିଲା । ଏହା ପରେ ୨୦୧୧ ମସିହାରେ, ୨୦୧୮ ମସିହାରେ ଏବଂ ୨୦୨୧ ମସିହାରେ ସିଏସକେ ଧୋନୀଙ୍କ ନେତୃତ୍ୱରେ ଆଇପିଏଲ ଟ୍ରଫି ହାତେଥିଲା ।
Comments are closed.