ଭାରତୀୟ ସୀମାରୁ ଚୀନ୍ ସୈନିକ ଗିରଫ

ନୂଆଦିଲ୍ଲୀ,୯ ।୧: ଭାରତ ଓ ଚୀନ୍ ମଧ୍ୟରେ ସୀମାକୁ ନେଇ ଚକାପଞ୍ଛା ଚାଲିଥିବା ବେଳେ ଲଦାଖରୁ ଆସିଛି ବଡ ଖବର । ଏହା ଭିତରେ ଭାରତୀୟ ସେନା ଲଦାଖରେ ବାସ୍ତବିକ ନିୟନ୍ତ୍ରଣ ରେଖାର ପାଖରେ ପାଙ୍ଗୋଙ୍ଗ ଅଞ୍ଚଳରେ ଚଣେ ଚୀନ ସୈନିକଙ୍କୁ ଧରାଯାଇଛି । ସୀମାରେ ବୁଲୁଥିବା ବେଳେ ଚୀନ୍ ସୈନ୍ୟକୁ ଗିରଫ କରାଯାଇଛି । ଚୁସୁଳ ସେକ୍ଟରର ଗୁରୁଙ୍ଗ ଘାଟି ନିକଟରେ ଚୀନ୍ ସୈନିକ ଧରାପଡିଛି । ଚୀନ୍ ସୈନ୍ୟ ଜଣକ ସେଠାରେ କିପରି ପହଞ୍ଚିଲେ, ସେନେଇ ତଦନ୍ତ ଜାରି ରହିଛି । ସୂଚନା ମିଳିଛି ଯେ ଚୀନ୍ ସୈନିକ ଜଣକ ଆଜି ସକାଳେ ହିଁ ଭାରତୀୟ ସୀମାରେ ଦେଖାଯାଇଥିଲା ।

ଅନ୍ୟପଟେ ପଚରାଉଚରା ପରେ ଚୀନ୍ ସୈନିକ କହିଛନ୍ତି ଯେ, ସେ ରାସ୍ତା ଭୁଲି ଚାଲିଆସିଛି । ଏବେବି ଭାରତୀୟ ସୈନିକମାନେ ଚୀନ୍ ଯବାନଙ୍କୁ ପଚରାଉଚରା କରୁଛନ୍ତି । ପଚରାଉଚରାରେ ସନ୍ତୁଷ୍ଟ ହେବା ପରେ ହିଁ ସେହି ସୈନିକକୁ ଚୀନ୍ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯିବ ।

ପିପୁଲସ୍ ଲିବରେସନ୍ ଆର୍ମିର ଏହି ସୈନିକ ଶୁକ୍ରବାର ସକାଳେ ଧରାପଡିଥିଲେ। ଜଣେ ଅଧିକାରୀଙ୍କ ସୂଚନା ଅନୁସାରେ, ପିଏଲଏ ସୈନିକ ଏଲଏସି ପାର କରି ଏପଟକୁ ଚାଲିଆସିଥିଲେ। ଏହାପରେ ସେହି ଅଞ୍ଚଳରେ ମୁତୟନ ଭାରତୀୟ ସୈନିକ ତାଙ୍କୁ କଷ୍ଟଡିରେ ନେଇଯାଇଥିଲେ।