ହାତି ଆକ୍ରମଣରେ ୨ ମୄତ, ଜଣେ ଗୁରୁତର ଆହତ

ସମ୍ବଲପୁର, ତୁଷବନ୍ତ ଯୋଶୀ ଏବଂ ନବୀନ ଦାଶ : ଯୁଯୁମୁରା ବ୍ଲକର କେଶାପାଲି ପଞ୍ଚାୟତର କୋଲପାଲି ଗ୍ରାମରେ ହାତି ଆକ୍ରମଣରେ ୨ ଜଣଙ୍କ ମୄତ୍ୟୁ ଘଟିଥିବା ବେଲେ ଜଣେ ଗୁରୁତର ହୋଇଥିବା ଜଣାପଡିଛି । ଘଟଣାରୁ ଜଣାପଡିଛି ଯେ ଗତ ରାତି ୨.୩୦ ସମୟରେ ନିକଟସ୍ଥ ଜଙ୍ଗଲରୁ ଏକ ବଣୁଆ ହାତି କୋଲପାଲି ଗ୍ରାମକୁ ଖାଦ୍ୟ ଅନ୍ନେଷଣରେ ଆସି ସ୍ଥାନୀୟ ସରପଞ୍ଚ ଉମାକାନ୍ତ ମିଦ୍ଦାଙ୍କ ଘର ଉପରେ ଆକ୍ରମଣ କରିଥିଲା । ଏହା ସହ ହାତି ଘରକୁ ଆକ୍ରମଣ କରି କାନ୍ଥ ଭାଙ୍ଗି ଘରେ ଥିବା ଧାନ ବସ୍ତା ଗୁଡିକୁ ନେଇ ଯାଇଥିଲା । ଏହା ଫଳରେ ହାତି ଆକ୍ରମଣରେ ଘର କାନ୍ଥ ଗୁଡିକ ଭାଙ୍ଗି ସ୍ଥାନୀୟ ସରପଞ୍ଚଙ୍କ ମାଁ ଓ ଭାଣିଜି ଉପରେ ପଡିଯିବାରୁ ଘଟଣା ସ୍ଥଲରେ ଉଭୟଙ୍କ ମୄତ୍ୟୁ ହୋଇଯାଇଥିଲା । ଏହା ସହ ଏହି ହାତି ଆକ୍ରମଣରେ ସରପଞ୍ଚଙ୍କ ବାପା ଗୁରୁତର ଆହତ ହୋଇ ବୁର୍ଲା ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି । ଏହି ଘଟଣା ନେଇ ସ୍ଥାନୀୟ ଗ୍ରାମବାସି ମାନଙ୍କ ମଧ୍ୟରେ ତ୍ରିବ ଅସନ୍ତୋଷ ଦେଖାଦେଇଛି । ଏହି ଅଞ୍ଚଳରେ ବାରମ୍ବାର ହାତି ଉପଦ୍ରବ ଲାଗି ରହିଥିବା ବେଳେ ବଣୁଆ ହାତିଙ୍କ ପ୍ରାଦୁର୍ଭାବରୁ ଗ୍ରାମବାସୀ ମାନଙ୍କୁ ରକ୍ଷା କରିବା ପାଇ ବନବିଭାଗ ପଦକ୍ଷେପ ନେବା ପାଇଁ ଲୋକେ ଦାବି କରିଛନ୍ତି ଲୋକେ ।