ପୋଖରୀରେ ବୁଡି ୭ ବର୍ଷୀୟ ଶିଶୁପୁତ୍ରର ମୃତ୍ୟୁ

ଢେଙ୍କାନାଳ, ନିହାର ରଞ୍ଜନ ସାହୁ : ପରଜଙ୍ଗ ଥାନା ବାମ୍ ପଂଚାୟତ ଅନ୍ତର୍ଗତ କୌଶଲ୍ୟାପାଳ ଗ୍ରାମରେ ପୋଖରୀରେ ବୁଡି ଜଣେ ଶିଶୁ ପୁତ୍ରର ମୃତ୍ୟୁ ହୋଇଛି । ମୃତ ଶିଶୁଟି କୌଶଲ୍ୟାପାଳ ଗ୍ରାମର ଠାକୁର ହାଁସଦାଙ୍କ ୭ ବର୍ଷୀୟ ପୁଅ ଜଗନ୍ନାଥ ହାଁସଦା ବୋଲି ଜଣାପଡିଛି । ଜଗନ୍ନାଥ ସାଙ୍ଗ ମାନଙ୍କ ସହିତ ଗାଁ ପାଖ ପୋଖରୀରେ ଗାଧୋଉଥିବା ବେଳେ ବୁଡି ଯାଇଥିଲେ । ତେବେ ସ୍ଥାନୀୟ ଲୋକମାନେ ପୋଖରୀରେ ପ୍ରାୟ ଏକ ଘଣ୍ଟା କାଳ ଖୋଜାଖୋଜି ପରେ ଜଗନ୍ନାଥକୁ ପୋଖରୀ ଭିତରୁ ପାଇଥିଲେ । ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଥିଲେ ସୁଦ୍ଧା ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।