ଗଣପତିଙ୍କ ଲଡ଼ୁର ଦାମ ୪୫ଲକ୍ଷ ଟଙ୍କା

ହାଇଦ୍ରାବାଦ : ହାଇଦ୍ରାବାଦର ଇନ୍ଦ୍ରାନଗର କଲୋନୀରେ ନିଲାମ ହୋଇଛି ଗଣେଷ ପୂଜା ଲଡ଼ୁ । ୧୨ କିଲୋ ଓଜନର ଏହି ଲଡ଼ୁକୁ ନିଲାମ ଡ଼ାକିଛନ୍ତି ପୂଜା କମିଟି । ଗଣପତିଙ୍କ ଠାରେ ଲାଗିଥିବା ଲଡ଼ୁକୁ ୪୫ଲକ୍ଷ ଟଙ୍କାରେ ନିଲାମ ଧରିଛନ୍ତି ଜଣେ ବ୍ୟକ୍ତି ।

ପୂଜାବେଳେ ଗଣପତିଙ୍କ ହାତରେ ରଖାଯାଇଥିବା ଲଡ଼ୁକୁ ବିସର୍ଜନ ପରେ ନିଲାମ ଡ଼କାଯାଇଥିଲା । ମହାପ୍ରଭୁଙ୍କର ପ୍ରତ୍ୟେକ୍ଷ ପ୍ରସାଦ ମିଳିଲେ ଘରେ ସୁଖ ଶାନ୍ତି ସୌଭାଗ୍ୟ ଆସିଥାଏ । ଏହି ବିଶ୍ୱାସ ରଖି ଲୋକମାନେ ଲଡ଼ୁନେବା ଲାଗି ନିଲାମରେ ଅଂଶ ଗ୍ରହଣ କରିଥାନ୍ତି ।

ମଣ୍ଡପ ପକ୍ଷରୁ ଡ଼କାଯାଇଥିବା ନିଲାମରେ ସାମିଲ ହୋଇଥିଲେ ଏକ ଦମ୍ପତ୍ତି । ଏହି ଦମ୍ପତ୍ତି ଗଣପତିଙ୍କ ଲଡ଼ୁକୁ ୪୫ଲକ୍ଷ ଟଙ୍କାରେ ନିଲାମର ବିଜୟୀ ହୋଇଥିଲେ । ତେବେ ଏହାର ଦିନକ ପୂର୍ବରୁ ବାଲାପୁର ଗଣେଷ ମଣ୍ଡପର ଲଡ଼ୁ ୨୪ଲକ୍ଷ ୬୦ ହଜାର ଟଙ୍କାରେ ନିଲାମ ହୋଇଥିଲା ।