ନୃଶଂସ ପୁଅର ଶକ୍ତ ଚାପୁଡାରେ ଚାଲିଗଲା ମା’ର ଜୀବନ

କୁଆଁରମୁଣ୍ଡା : ଜନ୍ମକଲା ପୁଅ ନିଜ ମା’କୁ ଶକ୍ତ ଚାପୁଡ଼ା ମାରିବାରୁ ମା’ଙ୍କ ଜୀବନ ଯାଇଛି। ଏଭଳି ଅଭାବନୀୟ ଘଟଣା ସୁନ୍ଦରଗଡ଼ ଜିଲା ବୀରମିତ୍ରପୁର ଥାନା ଅଞ୍ଚଳର ତଳ ବସ୍‌ଷ୍ଟାଣ୍ଡ ନିକଟ କୁମ୍ଭାରବସ୍ତିରେ ଦେଖିବାକୁ ମିଳିଛି। ଅଭିଯୁକ୍ତ ପୁଅ ସରୋଜ ତନ୍ତୀଙ୍କୁ ପୋଲିସ ଗିରଫ କରି ଅଧିକ ପଚରାଉଚରା ଚଳାଇଛି। ଅନ୍ୟପକ୍ଷରେ ପୋଲିସ ମୃତ ମା’ ପୁନି ତନ୍ତୀଙ୍କ ମୃତଦେହ ଜବତ କରିଛି। ଘଟଣାସ୍ଥଳରେ ଶନିବାର ସାଇଣ୍ଟିଫିକ୍‌ ଟିମ୍‌ ପହଞ୍ଚି ତଦନ୍ତ ଚଳାଇଛି। ମୃତ ପୁନିଙ୍କ ସାନଝିଅ ଏ ନେଇ ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ପୁଅ ସରୋଜଙ୍କୁ ଗିରଫ କରିଥିଲା।

ସୂଚନାନୁଯାୟୀ, ଶୁକ୍ରବାର ରାତିରେ ସରୋଜ ତାଙ୍କ ମା’ଙ୍କୁ ଟଙ୍କା ମାଗିଥିଲେ। ହେଲେ ପୁଅ ସବୁବେଳେ ମଦ ପିଉଥିବାରୁ ତାଙ୍କୁ ଟଙ୍କା ଦେବା ପାଇଁ ମନା କରିଥିଲେ ମା’ ପୁନି। ଏଥିରେ ଉତ୍‌କ୍ଷିପ୍ତ ହୋଇ ସରୋଜ ମା’ଙ୍କ ଗାଲରେ ଶକ୍ତଚାପୁଡା ମାରିଥିଲେ। ଫଳରେ ଘଟଣାସ୍ଥଳରେ ଅଚେତ୍‌ ହୋଇପଡ଼ିଥିଲେ ପୁନି। ସରୋଜଙ୍କ ସାନ ଭଉଣୀ ଏହା ଦେଖିଥିଲେ। ସଙ୍ଗେ ସଙ୍ଗେ ମା’ଙ୍କୁ ଚିକିସତ୍ା ନିମନ୍ତେ ସାନ ଭଉଣୀ ପାଖ ପଡ଼ିଶାଙ୍କ ସହାୟତାରେ ନିକଟସ୍ଥ ବୀରମିତ୍ରପୁର ସରକାରୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ।