ବିଜେପି ସଭାପତି ଗିରଫ, କାହିଁକି ଜାଣନ୍ତୁ ?

କୋଲକାତା : ପଶ୍ଚିମବଙ୍ଗର ବିଜେପି ସଭାପତି ସୁକାନ୍ତ ମଜୁମଦାରଙ୍କୁ ପୁଲିସ ଗିରଫ କରିଛି  । ଶନିବାର ଅପରାହ୍ନରେ ସେ ହିଂସା ପ୍ରଭାବିତ ହାୱଡ଼ା ଜିଲ୍ଲାକୁ ଯାଉଥିବାବେଳେ ପୁଲିସ ତାଙ୍କୁ ଉଠାଇ ନେଇଥିଲା  ।

ସୁକାନ୍ତ ମଜୁମଦାର ଏବେ ବାଲୁରଘାଟର ସାଂସଦ ଅଛନ୍ତି  । ବିଦ୍ୟାସାଗର ସେତୁ ନିକଟରେ ଥିବା ଟୋଲ ପ୍ଲାଜା ଠାରେ ତାଙ୍କୁ ଗିରଫ କରାଯାଇଛି  ।

ଏନେଇ ପୁଲିସ ପକ୍ଷରୁ କୁହାଯାଇଛିଯେ, ୧୪୪ ଧାରା ଜାରି ହୋଇଥିବା ସ୍ଥାନକୁ ମଜୁମଦାର ଯାଉଥିଲେ  । ତେଣୁ ଆଇନ ଶୃଙ୍ଖଳା ସ୍ଥିତିକୁ ଆଖି ଆଗରେ ରଖି ତାଙ୍କୁ ଗିରଫ କରାଯାଇଛି  । ସୂଚନାଯୋଗ୍ୟଯେ, ଏବେ ହାୱଡ଼ାରେ ହିଂସାକାଣ୍ଡ ଜାରିରହିଛି  । ବିଶେଷକରି ନୁପୁର ଶର୍ମାଙ୍କ ମନ୍ତବ୍ୟକୁ ନେଇ ଏଭଳି ହିଂସାକାଣ୍ଡ ଦେଖିବାକୁ ମିଳିଛି  । ହାୱଡ଼ା ଜିଲ୍ଲାର କେତେକ ସ୍ଥାନରେ ବିକ୍ଷୋଭ ମଧ୍ୟ ପ୍ରଦର୍ଶନ କରାଯାଉଛି  ।