ସୁସ୍ଥ ରହିବା ପାଇଁ ପ୍ରତ୍ୟେକ ଦିନ ସନ୍ଧ୍ୟାରେ ଚାଲନ୍ତୁ

ଦୀର୍ଘାୟୁ,ସୁସ୍ଥ ରହିବା ପାଇଁ,ରୋଗ ଠାରୁ ଦୂରେଇ ରହିବା ପାଇଁ ସବୁଠାରୁ ସହଜ ଉପାୟ ହେଉଛି ନିୟମିତ ଚାଲିବା। ଏହା ଶରୀର ସହ ମସ୍ତିଷ୍କକୁ ସୁସ୍ଥ ରଖିଥାଏ। କିଛି ଲୋକେ ପ୍ରାତଃ ଭ୍ରମଣକୁ ତ କିଛି ଲୋକେ ସନ୍ଧ୍ୟା ସମୟରେ ଭ୍ରମଣ କରିବାକୁ ପସନ୍ଦ କରିଥାଆନ୍ତି। ମାତ୍ର ସନ୍ଧ୍ୟା ସମୟରେ ଚାଲିବା ଦ୍ୱାରା କି କି ଲାଭ ମିଳିଥାଏ,ଜାଣନ୍ତୁ..

ଏକ ରିପୋର୍ଟ ଅନୁଯାୟୀ, ସନ୍ଧ୍ୟା କିମ୍ବା ରାତିରେ ଚାଲିବା ଦ୍ୱାରା ଶରୀରକୁ ଆଶ୍ଚର୍ଯ୍ୟଜନକ ଲାଭ ମିଳିଥାଏ। ବିଶେଷ କରି ଯେଉଁମାନଙ୍କର ହଜମ ଜନିତ ସମସ୍ୟା ରହିଛି,ସେମାନେ ସନ୍ଧ୍ୟା ସମୟରେ ଚାଲିବା ବେଶ ଉପକାରୀ। ଏହାସହ ରାତ୍ରି ଭୋଜନ କରିବାର କିଛି ସମୟରେ ପରେ ଚାଲିବା ଦ୍ୱାରା ଖାଦ୍ୟ ସଠିକ୍‌‌ ଭାବେ ହଜମ ହେବା ସହ ଗ୍ୟାଷ୍ଟ୍ରିକ,ବାନ୍ତି,ବଦହଜମି ସମସ୍ୟା ଦୂର ହୋଇଥାଏ।

ଦିନ ଯାକର ଥକ୍କାପଣ ପରେ ସନ୍ଧ୍ୟାରେ କିଛି ସମୟ ଚାଲିବା ଦ୍ୱାରା ଖୁବ ଆରାମ ଅନୁଭବ ହୋଇଥାଏ। ଏହାଦ୍ୱାରା ଶରୀରର ମାଂସପେଶୀ ସକ୍ରିୟ ହେବା ସହ ଶରୀରକୁ ଆରାମ ମିଳିଥାଏ। ଦିନଯାକର ଥକ୍କାପଣ ପରେ ସନ୍ଧ୍ୟାରେ ଚାଲିବା ଦ୍ୱାରା ଶରୀକୁ ଶକ୍ତି ମିଳିବା ସହ ଖୁବ ଆରାମ ଅନୁୁଭବ ହୋଇଥାଏ। ମାନସିକ ଶାନ୍ତି ମିଳିଥାଏ। ଚିନ୍ତା ଦୂର ହୋଇଥାଏ।

ସନ୍ଧ୍ୟାରେ କିମ୍ବା ରାତ୍ରି ଭୋଜନ ପରେ କିଛି ସମୟ ଚାଲିବା ଦ୍ୱାରା ଉତ୍ତମ ନିଦ ହେବା ସହ ଅନିଦ୍ରା ସମସ୍ୟା ଦୂର ହୋଇଥାଏ। ଚାଲିବା ଦ୍ୱାରା ଶରୀରକୁ ଆବଶ୍ୟକୀୟ ଅମ୍ଳଜାନ ମିଳିଥାଏ। ଫଳରେ ରାତିରେ ଶୋଇବା ସମୟରେ ଅଧିକ ଆରାମ ଅନୁଭବ ହେବା ସହ ଭଲ ନିଦ ହୋଇଥାଏ।

ସନ୍ଧ୍ୟା ସମୟରେ ଚାଲିବା ଦ୍ୱାରା ମନ ଓ ମସ୍ତିଷ୍କରୁ ନକରାତ୍ମକ ଚିନ୍ତା ଦୂର ହୋଇଥାଏ। ସକରାତ୍ମକ ଶକ୍ତି ଅନୁଭବ ହୋଇଥାଏ। ଦୁଃଶ୍ଚିନ୍ତା ସମସ୍ୟାକୁ ଦୂର କରିଥାଏ। ମସ୍ତିଷ୍କ ସୁସ୍ଥ ରହିଥାଏ।

ସନ୍ଧ୍ୟାରେ ଚାଲିବା ଦ୍ୱାରା ଓଜନ ନିୟନ୍ତ୍ରିତ ହୋଇ ରହିଥାଏ। ସନ୍ଧ୍ୟାରେ ଚାଲିବା ଦ୍ୱାରା ଫ୍ୟାଟ୍‌‌ ହ୍ରାସ ହୋଇ ଥାଏ।

ସନ୍ଧ୍ୟାରେ ଚାଲିବା ଦ୍ୱାରା କୋଲେଷ୍ଟେରୋଲ ନିୟନ୍ତ୍ରଣ ହୋଇ ରହିଥାଏ।ଏହା ରକ୍ତରେ ଶର୍କରା ଓ ଉଚ୍ଚ ରକ୍ତଚାପକୁ ନିୟନ୍ତ୍ରଣ କରି ରଖିବାରେ ସହାୟକ ହୋଇଥାଏ। ହୃଦୟ ଜନିତ ରୋଗରୁ ଦୂରେଇ ରଖିଥାଏ। ତେଣୁ ସନ୍ଧ୍ୟାରେ ଚାଲିବା ସ୍ୱାସ୍ଥ୍ୟ ପାଇଁ ଉପକାରୀ।