ମାର୍ଚ୍ଚ ୭ରେ ବିଜେପିରେ ମିଶିବେ ମିଥୁନ ଚକ୍ରବର୍ତ୍ତୀ

ନୂଆଦିଲ୍ଲୀ: ବଲିଉଡ ଅଭିନେତା ମିଥୁନ ଚକ୍ରବର୍ତ୍ତୀ ମାର୍ଚ୍ଚ ୭ରେ ବିଜେପିରେ ସାମିଲ ହେବେ । ଏହା ସହ ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ରିଗେଡ ପରେଡ ଗ୍ରାଉଣ୍ଡରେ ମିଥୁନ ଉପସ୍ଥିତ ରହିବେ ବୋଲି ଜଣାପଡିଛି । ଗତ ୧୬ ଫେବ୍ରୁଆରୀ ଦିନ ମିଥୁନ ଦା’ଙ୍କୁ ଭେଟିଥିଲେ ଆରଏସଏସ ମୁଖ୍ୟ ମୋହନ ଭାଗବତ । ସେବେଠାରୁ ମିଥୁନ ଚକ୍ରବର୍ତ୍ତୀ ବିଜେପିରେ ଯୋଗଦେବା ନେଇ କଳ୍ପନାଜଳ୍ପନା ଆରମ୍ଭ ହୋଇଥିଲା । ବର୍ତ୍ତମାନ ମିଥୁନ ଚକ୍ରବର୍ତ୍ତୀ ଜଣେ ରାଜ୍ୟସଭା ସଦସ୍ୟ ଅଛନ୍ତି। ତାଙ୍କୁ ମମତା ବାନାର୍ଜୀଙ୍କ ପାର୍ଟି ଟିଏମସି ରାଜ୍ୟସଭାକୁ ପଠାଇଥିଲା ଏବଂ ସେ ଏପ୍ରିଲ ୨୦୧୪ ରୁ ଡିସେମ୍ବର ୨୦୧୬ ପର୍ୟ୍ୟନ୍ତ ଗୃହରେ ରହିଥିଲେ ।

ଉଲ୍ଲେଖଯୋଗ୍ୟ ଯେ, କୋଲକାତାର ୨୯୪ ଟି ସିଟ୍ ପାଇଁ ଆଠଟି ପର୍ୟ୍ୟାୟରେ ଭୋଟ୍ ଦିଆଯିବ। ପ୍ରଥମ ପର୍ୟ୍ୟାୟ ପାଇଁ ମତଦାନ ୨୭ ମାର୍ଚ୍ଚରେ ହେବ । ପ୍ରଥମ ପର୍ୟ୍ୟାୟରେ ୩୮ ଟି ଆସନରେ ମତଦାନ କରାଯିବ। ଦ୍ୱିତୀୟ ପର୍ୟ୍ୟାୟ ଭୋଟ୍ ଏପ୍ରିଲ୍ ୧ ରେ ଅନୁଷ୍ଠିତ ହେବ, ଯେଉଁଥିରେ ଲୋକମାନେ ୩୦ ଟି ଆସନରେ ଭୋଟ୍ ଦେବେ। ତୃତୀୟ ପର୍ୟ୍ୟାୟ ଭୋଟ୍ ପାଇଁ ଏପ୍ରିଲ୍ ୬ ସ୍ଥିର କରାଯାଇଛି, ଯେଉଁଠାରେ ଲୋକମାନେ ୩୧ ଟି ସିଟରେ ସେମାନଙ୍କର ଫ୍ରାଞ୍ଚାଇଜ୍ ବ୍ୟବହାର କରିବେ । ଏପ୍ରିଲ ୧୦ ରେ ଚତୁର୍ଥ ପର୍ୟ୍ୟାୟରେ ୪୪ ଟି ଆସନରେ ଭୋଟ୍ ଗ୍ରହଣ କରାଯିବ। ଏପ୍ରିଲ ୧୭ ରେ ପଞ୍ଚମ ପର୍ୟ୍ୟାୟ ନିର୍ବାଚନ ଅନୁଷ୍ଠିତ ହେବ ଯେଉଁଠାରେ ୪୫ ଟି ଆସନରେ ଭୋଟ୍ ଦିଆଯିବ। ଏହା ବ୍ୟତୀତ, ଏପ୍ରିଲ ୨୨ ରେ ଷଷ୍ଠ ପର୍ୟ୍ୟାୟରେ ୪୧ ଟି, ଏପ୍ରିଲ ୨୬ ରେ ସପ୍ତମ ପର୍ୟ୍ୟାୟରେ ୩୬ ଟି ଆସନ ଥିବାବେଳେ ଶେଷ ଏବଂ ଅଷ୍ଟମ ପର୍ୟ୍ୟାୟରେ ୩୫ ଟି ଆସନରେ ଭୋଟ ହେବ । ଆସନ୍ତା ମେ ୨ ରେ ଫଳାଫଳ ଘୋଷଣା କରାଯିବ ।