ବାବୁଶାନ-ପ୍ରକୃତି ବିବାଦ, ଏମିତି କହିଲେ ମନ୍ମଥ ମିଶ୍ର

ଭୁବନେଶ୍ୱର : ବାବୁସାନ ଓ ପ୍ରକୃତିର ଭିଡ଼ିଓ ଭାଇରାଲ ହେବା ପରେ ମୁହଁ ଖୋଲିଛନ୍ତି ପ୍ରକୃତିଙ୍କ ବାପା ତଥା ସୁନାମଧନ୍ୟ ସଂଗୀତଜ୍ଞ ମନ୍ମଥ ମିଶ୍ର  । ସେ କହିଛନ୍ତିଯେ, ଆଉ ପ୍ରକୃତି ଓ ବାବୁସାନ ମିଶିବେ ନାହିଁ  । କେବଳ ପେଶାଦାର ସମ୍ପର୍କ ହିଁ ରହିବ  । କୌଣସି ପ୍ରକାର ବ୍ୟକ୍ତିଗତ ସମ୍ପର୍କ ରଖିବେ ନାହିଁ  । ଏନେଇ ମୁଁ ପ୍ରକୃତିକୁ କହିସାରିଛି  । ମୁଁ ବି ଗ୍ୟାରେଂଟି ଦେଉଛି ପ୍ରକୃତି ଆଉ ବାବୁସାନଙ୍କ କ୍ଷେତ୍ରରେ କୌଣସି ପ୍ରକାର ମୁଣ୍ଡ ପୂରାଇବ ନାହିଁ  ।

ସେ କହିଛନ୍ତିଯେ, ପୂର୍ବରୁ ଟିକି ଅପା ମୋତେ ଏକଥା କହିଥିଲେ  । ମୁଁ ପ୍ରକୃତିକୁ ଏନେଇ ପଚାରିଥିଲି । ପ୍ରକୃତି କହିଥିଲାଯେ, ନନା ଏଥିରେ କିଛି ନାହିଁ  । ଆମେ ମିଳାମିଶା କରୁଥିବାରୁ ତୃପ୍ତି ଈର୍ଷା କରୁଛନ୍ତି  । ବାବୁସାନ ଓ ମୁଁ କେବଳ ସାଙ୍ଗ ବୋଲି ପ୍ରକୃତି କହିଥିଲେ  ।

ମୋ ଝିଅ ପ୍ରକୃତି ବାବୁସାନଙ୍କୁ ବ୍ଲାକମେଲ କରିବ କାହିଁକି ? ପ୍ରକୃତିର ଅର୍ଥ ଅଭାବ ଅଛି ନା ତା’ର ଟ୍ୟାଲେଂଟ ଅଭାବ ଥିଲା  । ସେମାନେ ଭଲ ସାଙ୍ଗ ଥିଲେ । ଆମ ପରିବାର ଓ ତାଙ୍କ ପରିବାର ସହ ମଧ୍ୟ ଭଲ ସମ୍ପର୍କ ରହିଛି । ପ୍ରକୃତି ୮ ବର୍ଷ ହେଲା ମୁମ୍ବାଇରେ ସଂଘର୍ଷ କରିଛି  । ଏବେ ସେ ନାସନାଲ ଫିଲଡ଼ରେ ଖେଳୁଛି ବୋଲି ମନ୍ମଥ ମିଶ୍ର କହିଛନ୍ତି  ।

ସେହିପରି ବାବୁସାନ ବାପା ହୋଇ ସାରିଲେଣି  । ବାବୁସାନ ଓ ତୃପ୍ତି ତାଙ୍କ ଘର ସଜାଡ଼ିବା ଦରକାର  । ତୃପ୍ତି ଏବେ ଅଲଗା ମାନସିକତାରେ ରହିଛି । ବାବୁସାନ ପ୍ରକୃତିଙ୍କୁ ଡିଷ୍ଟର୍ବ କରୁଥିଲେ ନା ପ୍ରକୃତି ବାବୁସାନଙ୍କୁ ଡିଷ୍ଟର୍ବ କରିଥିଲେ ଏହାର ପ୍ରମାଣ କିଏ ଦେବ ବୋଲି ମନ୍ମଥ ପ୍ରଶ୍ନ କରିଛନ୍ତି ।