ତରଭା : ୧୫ କେଜି ଗଞ୍ଜେେଇ ଜବତ , ୩ ଗିରଫ

ତରଭା(କଲ୍ଯାଣ ନାଏକ) : ସୁବର୍ଣ୍ଣପୁର ଜିଲ୍ଲା ତରଭା ଥାନା ଅଧିନସ୍ଥ କମଶରା ଫାଣ୍ଡି ଅନ୍ତର୍ଗତ ମହିମା ପାଲି ଛକରେ ଗଞ୍ଜେଇ
କାରବାରରେ ଲିପ୍ତ ୩ ଅଭିଯୁକ୍ତଙ୍କୁ ପୋଲିସ ସୋମବାର ସଂଧ୍ଯାରେ ଗିରଫ କରି ଥାନାକୁ ଆଣିଥିଲା ।ପୋଲିସ ସୁତ୍ରରୁ ପ୍ରକାଶ ସୋମବାର ସଂଧ୍ଯା ରେ ଏ ତିନିଜଣ (1)ଗାମା ନାଏକ ପି -ଦେର୍ବାଚନ ନାଏକ ସୁବର୍ଣ୍ଣପୁର ଜିଲ୍ଲା ତରଭା ଥାନା ପଣ୍ଡିରାପିଟା ଗ୍ରାମ,(2) ଅନନ୍ତ କହଁର ପି- ବିହୁ କହଁର ଓ ( 3)ଚୈତନ୍ଯ କହଁର ପି-ନୈବ କହଁ ର ନି-କୌଘରା, ଥାନା- ଗୋଛାପଡା ଉଭୟେ ଜିଲ୍ଲା କନ୍ଧମାଳ, ଗଞ୍ଜେଇ ସହ ପୋଲିସ ହାବୁଡରେ ପଡିଥିଲେ ।ପୋଲିସ ତାଙ୍କଠାରୁ 15 କେଜି ଗଞ୍ଜେଇ ଜବତ କରିବା ସହ ଏକ ନିଳ ରଙ୍ଗର ହୋଣ୍ଡା ସାଇନ ଗାଡି ନଂ OD 31F 8818 କୁ ମଧ୍ଯ ଜବତ କରିଛି । ଆଜି ଉପରୋକ୍ତ ତିନି ଅଭିଯୁକ୍ତଙ୍କୁ ପୋଲିସ କୋର୍ଟ ଚାଲାଣ କରିଥିବା ଏବଂ କେଶର ତଦନ୍ତ ଦାୟିତ୍ବରେ ଏସ ଆଇ ଏ କହଁର ଥିବା ଥାନାଧିକାରୀ ସୁବ୍ରତ ପାଣିଗ୍ରାହୀଙ୍କ ଠାରୁ ପ୍ରକାଶ ।।