ଶିକ୍ଷାର୍ଥୀଙ୍କୁ ସ୍ୱାସ୍ଥ୍ୟ ବାର୍ତ୍ତା ଦେଲା ନଗର ଭ୍ରାମ୍ୟମାଣ ସ୍ୱାସ୍ଥ୍ୟ କେନ୍ଦ୍ର

ସମ୍ବଲପୁର(ତୁଷବନ୍ତ ଯୋଶୀ) : ସମ୍ବଲପୁର ମହାନଗର ନିଗମର ବସ୍ତି ଅଞ୍ଚଳରେ ଜନସାଧାରଣଙ୍କ ସ୍ୱାସ୍ଥ୍ୟ ସେବା ସାଙ୍ଗକୁ ସେହି ଅଞ୍ଚଳରେ ଥିବା ସ୍କୁଲ ମାନଙ୍କରେ ପାଠ ପଢ଼ୁଥିବା ଶିକ୍ଷାର୍ଥୀ ମାନଙ୍କୁ ସ୍ୱାସ୍ଥ୍ୟ ସଂପର୍କରେ ବିଭିନ୍ନ ଜ୍ଞାନ କୌଶଳ ସହିତ ସ୍ୱାସ୍ଥ୍ୟ ବାର୍ତ୍ତାଦେବାକୁ ସମ୍ବଲପୁର ନଗର ଭ୍ରାମ୍ୟମାଣ ସ୍ୱାସ୍ଥ୍ୟ କେନ୍ଦ୍ର ତରଫରୁ ନିଆଯାଇଛି ଅଭିନବ ପଦକ୍ଷେପ । ଏହି କ୍ରମରେ ପୁଟିବନ୍ଦ ଠାରେ ମାସିକ ଚିକିତ୍ସା ଶିବିର ପରେ ସ୍ଥାନୀୟ ସ୍କୁଲରେ ହାତ ଧୋଇବା ପ୍ରଣାଳୀର ଜ୍ଞାନ କୌଶଳ ସହିତ ଏହାର ଉପକାରିତା ବିଷୟରେ ଛାତ୍ରଛାତ୍ରୀଙ୍କୁ ବୁଝାଇ ଦିଆଯାଇଥିଲା । ସାଂପ୍ରତିକ ସମୟରେ ବିଭନ୍ନ ମହାମାରୀର ଆଶଙ୍କାକୁ ଆଖି ଆଗରେ ରଖି ନିଜ ସୁରକ୍ଷା ପାଇଁ ସମସ୍ତ ଶିକ୍ଷାର୍ଥୀ ମାକ୍ସ ପରିଧାନ କରି ସ୍କୁଲକୁ ଆସିବାକୁ ଭ୍ରାମ୍ୟମାଣ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ସମସ୍ତଙ୍କୁ ନିବେଦନ କରାଯାଇଥିଲା । ଏପରି ସୁସ୍ଥ ସ୍ୱାସ୍ଥ୍ୟ ପାଇଁ ନାରଙ୍ଗୀ,ଧଳା ଓ ସବୁଜ ରଙ୍ଗର ପୋଷଣ ଖାଦ୍ୟ ବ୍ୟବହାର କରି ପୋଷକତତ୍ୱ ଯଥା ଶ୍ୱେତସାର, ପୁଷ୍ଟିସାର, ସ୍ନେହସାର ବିଷୟରେ ବୁଝାଇ ଶରୀରର ଶକ୍ତି ଓ ଅଭିବୃଦ୍ଧିରେ କିଭଳି ଏହା ସାହାଯ୍ୟ କରିଥାଏ ତାହାର ବିଭିନ୍ନ ଉଦାହରଣ ଦେଇ ବୁଝାଇ ଦିଆ ଯାଇଥିଲା । ବିଶେଷ କରି କୃମିନାଶକ ସହିତ ଲୌହସାର ଶରୀର ପାଇଁ କେତେ ଗୁରୁତ୍ୱ ପୁର୍ଣ୍ଣ ସେ ସଂପର୍କରେ ଧାରଣା ଦିଆଯାଇ ଆଶା,ଅଙ୍ଗନୱାଡି ଓ ସ୍ୱାସ୍ଥ୍ୟ କର୍ମୀଙ୍କୁ ସମସ୍ତେ ବିଶ୍ୱାସକୁ ନେଇ ନିଜର ଉତ୍ତମ ବନ୍ଧୁ ହିସାବରେ ଗ୍ରହଣ କରିବାକୁ ୟୁଏମଏଚୟୁ ଡାକ୍ତର ରାଜାରାମ ଷଡଙ୍ଗୀ ଛାତ୍ରଛାତ୍ରୀଙ୍କୁ ବୁଝାଇବା ସହ ସଚେତନ କରିଥିଲେ । ୟୁଏମଏଚୟୁ ଆଟେଣ୍ଟେନ ରଞ୍ଜନ ପ୍ରଧାନଙ୍କ ପରିଚାଳନାରେ ଅନୁଷ୍ଠିତ ଏହି କାଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ପ୍ରମୂଖ ଉପସ୍ଥିତ ଥିଲେ ।