କଂଗ୍ରେସ ସ୍କୁଲରେ ପଢ଼ିଛନ୍ତି କେସିଆର:ରାହୁଲ

ହାଇଦ୍ରାବାଦ: ତେଲେଙ୍ଗାନା ବିଧାନସଭା ନିର୍ବାଚନକୁ ନେଇ ଏବେ କଂଗ୍ରେସ, ବିଆରଏସ ଓ କଂଗ୍ରେସ ମଧ୍ୟରେ ଜୋରଦାର ବୟାନବାଜି ଜାରି ରହିଛି | ଆଜି କଂଗ୍ରେସ ନେତା ରାହୁଲ ଗାନ୍ଧୀ ଆଜି ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ (କେସିଆର)ଙ୍କ ଉପରେ ଆକ୍ରମଣ କରି କହିଛନ୍ତି ଯେ ସେ କିଛି କରିନାହାଁନ୍ତି। ଆମେ ଏତେ ପରିଶ୍ରମ କରିଥିଲୁ ଯେ ତୁମେ ପଢିଥିବା ବିଦ୍ୟାଳୟ ବି ଆମ ଦ୍ୱାରା ନିର୍ମିତ ହୋଇଥିଲା | କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ତେଲେଙ୍ଗାନାର ୱାରଙ୍ଗାଲରେ କହିଛନ୍ତି ଯେ ଗତ ୬୦ ବର୍ଷ ମଧ୍ୟରେ କଂଗ୍ରେସ କଣ କରିଛି ଆପଣ (କେସିଆର) ପ୍ରଶ୍ନ କରିଛନ୍ତି। ଆପଣ ଯେଉଁ ବିଦ୍ୟାଳୟରେ ପଢିଥିଲେ ତାହା କଂଗ୍ରେସ ଦ୍ୱାରା ନିର୍ମିତ ହୋଇଥିଲା।

” ସେ ଆହୁରି କହିଛନ୍ତି ଯେ ସେମାନେ କେବଳ ଦୁର୍ନୀତି କରିଛନ୍ତି। ରାହୁଲ ଗାନ୍ଧୀ ଦାବି କରିଛନ୍ତି ଯେ ଆମର ପ୍ରଥମ ଲକ୍ଷ୍ୟ ହେଉଛି ତେଲେଙ୍ଗାନାରେ ସରକାର ଗଠନ କରିବା ଏବଂ ଏହା ପରେ ଆମେ ଦିଲ୍ଲୀରେ ପ୍ରଧାନମନ୍ତ୍ରୀ ମୋଦୀ ସରକାରଙ୍କୁ କ୍ଷମତାରୁ ହଟାଇଦେବୁ । କେସିଆରଙ୍କ ଉପରେ ଆକ୍ରମଣ କରି ସେ କହିଥିଲେ ଯେ ଗୋଟିଏ ପରିବାର ହିଁ ଶାସନ କରିଛନ୍ତି, କିନ୍ତୁ ଆମେ ପଛୁଆ ବର୍ଗ, ଆଦିବାସୀ ଏବଂ ଦଳିତଙ୍କ ଶାସନ ଚାହୁଁଛୁ। ବାସ୍ତବରେ ଆଦିଲାବାଦରେ ଭାରତ ରାଷ୍ଟ୍ର ସମିତିର ମୁଖ୍ୟ କେସିଆର ଗୁରୁବାର କଂଗ୍ରେସ ଉପରେ ଆକ୍ରମଣ କରି କହିଥିଲେ ଯେ ଯେତେବେଳେ ରାଜ୍ୟ ଗଠନ ହେଲା ସେତେବେଳେ ରାଜ୍ୟରେ ପରିସ୍ଥିତି ବିଶୃଙ୍ଖଳିତ ଥିଲା। ସେ ଆହୁରି ମଧ୍ୟ କହିଛନ୍ତି ଯେ ବିଜେପି ଏବଂ କଂଗ୍ରେସ ଗୋଟିଏ ମୁଦ୍ରାର ଦୁଇ ପାର୍ଶ୍ୱ। କେସିଆରଙ୍କ ଝିଅ କେ କବିତା ମଧ୍ୟ କହିଥିଲେ ଯେ କଂଗ୍ରେସ ଏଣ୍ଡୁଅଠାରୁ ବି ଅଧିକ ରଙ୍ଗ ବଦଳାଇଥାଏ।