ମେନକା ଗାନ୍ଧୀଙ୍କ ନାଁରେ ମାନହାନୀ ମାମଲା ରୁଜୁ କଲା ଇସ୍କନ

ନୂଆଦିଲ୍ଲୀ: ପୂର୍ବତନ କେନ୍ଦ୍ରମନ୍ତୀ ତଥା ଭାଜପା ସାଂସଦ ମେନକା ଗାନ୍ଧିଙ୍କୁ ୧୦୦ କୋଟି ଟଙ୍କାର ମାନହାନୀ ନୋଟିସ୍ ପଠାଇଛି । ଇସ୍କନ ପକ୍ଷରୁ ନିଜ ଗୋଶାଳାରୁ ଗାଈମାନଙ୍କୁ କଂସେଇମାନଙ୍କୁ ବିକ୍ରି କରୁଛି ବୋଲି କିଛିଦିନ ତଳେ ମନ୍ତବ୍ୟ ଦେଇଥିଲେ । ଏହାକୁ ନେଇ ଇସ୍କନ ତୀବ୍ର ପ୍ରତିକ୍ରିୟା ପ୍ରକାଶ କରିବା ସହ ଏହି ନୋଟିସ ପଠାଇଛି । ମେନକାଙ୍କ ଏହି ମନ୍ତବ୍ୟ ସାରା ବିଶ୍ବରେ ଥିବା କୃଷ୍ଣ ଭକ୍ତ, ଇସ୍କନ ସଦସ୍ୟ ଓ ଶୁଭେଚ୍ଛୁମାନଙ୍କୁ ଆଘାତ ଦେଇଛି ବୋଲି ଇସ୍କନ କହିଛି ।

ଇସ୍କନ ବିରୋଧରେ ମେନକା ଦେଇଥିବା ମନ୍ତବ୍ୟ ଥିବା ଏକ ଭିଡିଓ ନିକଟରେ ଭାଇରାଲ ହୋଇଥିଲା । ଏହି ଭିଡିଓରେ ମେନକା କହୁଥିବା ଶୁଣିବାକୁ ମିଳୁଛି ଯେ ବର୍ତ୍ତମାନ ଭାରତରେ ସବୁଠାରୁ ବଡ଼ ଠକ ହେଉଛି ଇସ୍କନ୍ । ସେ ଗୋ-ଆଶ୍ରୟସ୍ଥଳୀ ସ୍ଥାପନ କରିଥିଲେ, ଯେଉଁଥିପାଇଁ ତାଙ୍କୁ ସରକାରଙ୍କ ତରଫରୁ ଅଗଣିତ ସୁବିଧା ମିଳୁଛି। ସେମାନଙ୍କୁ ବଡ଼ ବଡ଼ ଜମି ମିଳୁଛି ।