ଡରାଇଲାଣି ନିପା ଭାଇରସ, କେରଳର ଆଉ ଜଣେ ମୃତ

ନୂଆଦିଲ୍ଲୀ: ନିପା ଭାଇରସ୍ ପୂଣି ଥରେ ନିଜର ଆତଙ୍କ ଖେଳାଇବାରେ ଲାଗିଛି । ଏହାରି ମଧ୍ୟରେ କେରଳ ସ୍ୱାସ୍ଥ୍ୟମନ୍ତ୍ରୀ ଭୀନା ଜର୍ଜ ଏକ ବୟାନ ଦେଇଛନ୍ତି, ଯେଉଁଥିରେ କୁହାଯାଇଛି ଯେ ଏକ ଘରୋଇ ମେଡିକାଲରେ ୨୪ ବର୍ଷୀୟ ସ୍ୱାସ୍ଥ୍ୟ କର୍ମଚାରୀଙ୍କର ନମୂନା ପଜିଟିଭ୍ ଆସିବା ପରେ ସେ ନିପା ଭାଇରସରେ ସଂକ୍ରମିତ ହୋଇଥିବା ସ୍ପଷ୍ଟ ହୋଇଛି ।

ତେବେ କେରଳରେ ଆଉ ଜଣେ ନିପା ସଂକ୍ରମିତ ରୋଗୀ ଚିହ୍ନଟ ପରେ ରାଜ୍ୟ ସ୍ୱାସ୍ଥ୍ୟ ବିଭାଗର ଚିନ୍ତା ବଢ଼ିବାରେ ଲାଗିଛି । ଏହା ସହ ରାଜ୍ୟରେ ନିପା ରୋଗୀଙ୍କ ସଂଖ୍ୟା ପାଞ୍ଚକୁ ବୃଦ୍ଧି ପାଇଛି । ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ଭୀନା ଜର୍ଜ କହିଛନ୍ତି ଯେ, ସଂକ୍ରମଣ ବିସ୍ତାରକୁ ରୋକିବା ପାଇଁ ରାଜ୍ୟ ସରକାର କଣ୍ଟେଣ୍ଟମେଣ୍ଟ ଜୋନ୍ ସୃଷ୍ଟି କରିଛନ୍ତି । ରୋଗୀଙ୍କ ସମ୍ପର୍କରେ ଆସିଥିବା ପ୍ରାୟ ୭୦୦ ଲୋକଙ୍କ ତାଲିକା ପ୍ରସ୍ତୁତ କରାଯାଇଛି । ସେଥିମଧ୍ୟରୁ ୭୭ ଜଣଙ୍କୁ ଉଚ୍ଚ ବିପଦ ବର୍ଗରେ ରଖାଯାଇଛି ।

ନିପା ଭାଇରସ ସଂକ୍ରମଣ ଯୋଗୁଁ ରାଜ୍ୟରେ ଦୁଇ ରୋଗୀଙ୍କ ମୃତ୍ୟୁ ମଧ୍ୟ ହୋଇଛି । ସଂକ୍ରମଣ ମଧ୍ୟ ସାରା ରାଜ୍ୟରେ ବ୍ୟାପିବାର ଆଶଙ୍କା ରହିଛି ବୋଲି ମନ୍ତ୍ରୀ ଆଶଙ୍କା ବ୍ୟକ୍ତ କରିଛନ୍ତି । ସଂକ୍ରମଣକୁ ରୋକିବା ପାଇଁ ରାଜ୍ୟ ଅନେକ ପଦକ୍ଷେପ ନେଇଛି । ଉଚ୍ଚ ବିପଦ ବର୍ଗରେ ରଖାଯାଇଥିବା ଲୋକଙ୍କୁ ଘରୁ ବାହାରକୁ ନ ଯିବାକୁ କୁହାଯାଇଛି ।

ଏବେ ଉପଲବ୍ଧ ଥିବା ଆଣ୍ଟି-ଭାଇରାଲ ଚିକିତ୍ସାର ନିର୍ଦ୍ଦେଶ ଦେଇ ଘାତକ ସଂକ୍ରମଣରେ ପୀଡିତ ୯ ବର୍ଷୀୟ ବାଳକକୁ ଠିକ୍ କରିବାକୁ ସରକାର ନିଜର ଉଦ୍ୟମ ଜାରି ରଖିଛନ୍ତି । ସରକାର ଏହି ବାଳକର ଚିକିତ୍ସା ପାଇଁ ଆଇସିଏମଆରରୁ ମୋନେକ୍ଲୋନାଲ ଆଣ୍ଟିବଡି ମଗାଇଛନ୍ତି ।

ତେବେ ନିପା ଭାଇରସ ସଂକ୍ରମଣ ପାଇଁ ଏହା ଏକମାତ୍ର ଉପଲବ୍ଧ ଆଣ୍ଟି-ଭାଇରାଲ ଚିକିତ୍ସା, ଯଦିଓ ଏହା ଏପର୍ଯ୍ୟନ୍ତ କ୍ଲିନିକାଲ ପ୍ରମାଣିତ ହୋଇନାହିଁ । ସରକାର କହିଛନ୍ତି ଯେ, ରାଜ୍ୟରେ ଦେଖାଯାଉଥିବା ଭାଇରସର ଭାରିଆଣ୍ଟ ହେଉଛି ବାଂଲାଦେଶ ଭାରିଆଣ୍ଟ ଯାହା ମାନବରୁ ମଣିଷ ପର୍ଯ୍ୟନ୍ତ ବ୍ୟାପିଥାଏ ଏବଂ ଏଥିରେ ମୃତ୍ୟୁ ହାର ଅଧିକ ଥାଏ, ଯଦିଓ ଏହା କମ୍ ସଂକ୍ରାମକ ନୁହେଁ ।