ମୋଟା ପଣ ପାଇଁ ଚିନ୍ତିତ କି ଆପଣାନ୍ତୁ ଏହି ଉପାୟ
ମୋଟାପଣ ଓ ଶରୀର ପାଇଁ ଅନାବଶ୍ୟକ ଚର୍ବି ବର୍ତ୍ତମାନ ସଭିଁଙ୍କ ପାଇଁ ମୁଣ୍ଡବିନ୍ଧାର କାରଣ। ଦୈନନ୍ଦିନ ଜୀବନରେ କିଛି ଅଭ୍ୟାସ, ସ୍ୱତନ୍ତ୍ର ଖାଦ୍ୟପେୟ ଆଦି କାରଣରୁ ଶରୀରରେ ମେଦବହୁଳତା ବୃଦ୍ଧି ପାଇଥାଏ। ପେଟ ଆବଶ୍ୟକତାରୁ ଅଧିକ ବାହାରି ଥିଲେ, ଏଥିପାଇଁ ଅନେକ ଚିନ୍ତିତ ରହିଥାଆନ୍ତି। ପେଟ୍ କମ୍ କରିବା ପାଇଁ ଅନେକ ଉପାୟ ମଧ୍ୟ ଆପଣାଇ ଥାଆନ୍ତି। ଓଜନ ହ୍ରାସ ସହ ପେଟ କମ୍ କରିବାକୁ ଇଚ୍ଛୁକ ଥିଲେ, ଏକ ସରଳ ଉପାୟ ବିଷୟରେ ଜାଣନ୍ତୁ।
ଯେକୌଣସି ଖାଦ୍ୟ ସେବନ କଲେ ଏହାର ପ୍ରଭାବ ଶରୀର ଓ ଓଜନ ଉପରେ ପଡିଥାଏ। ଖୁବ କମ୍ ଲୋକେ ଏହି ସହଜ ଓ ସରଳ ଉପାୟ ବିଷୟରେ ଜାଣିଥିବେ, ଯାହାକୁ ଆପଣାଇବା ଦ୍ୱାରା ଖୁବ ଶୀଘ୍ର ଓଜନ କମିବା ସହ ପେଟ ମଧ୍ୟ କମ୍ ହୋଇଥାଏ।
ଦହି ସ୍ୱାସ୍ଥ୍ୟ ପାଇଁ ଖୁବ ଉପକାରୀ। ଏହା ସଭିଁଙ୍କୁ ଜଣା। ଏହା ଶୀଘ୍ର ଓଜନ ହ୍ରାସ କରିବାରେ ମଧ୍ୟ ବେଶ ସହାୟକ ହୋଇଥାଏ। ଦହିରେ ଗୋଲମରିଚ ଓ ସାମାନ୍ୟ କଳାଲୁଣ ମିଶାଇ ସେବନ କଲେ ଓଜନ କମ୍ ହୋଇଥାଏ। ନିୟମିତ ଭାବେ ପ୍ରତିଦିନ ସକାଳ, ମଧ୍ୟାହ୍ନ ଭୋଜନର ଏକ ଘଣ୍ଟା ପୂର୍ବରୁ ଅଳ୍ପ ପରିମାଣରେ ଦହିରେ ଗୋଲମରିଚ ଗୁଣ୍ଡ, ସାମାନ୍ୟ କଳାଲୁଣ ପକାଇ ଖାଆନ୍ତୁ। ଏହା ଓଜନ କମ କରିଥାଏ।
ଦହିରେ ପ୍ରଚୁର ପରିମାଣରେ କ୍ୟାଲସିୟମ ରହିଛି। ଏହା ପାଚନ ତନ୍ତ୍ରକୁ ସୁସ୍ଥ ରଖିଥାଏ। ମେଟାବୋଲିଜିୟମ ସ୍ତରକୁ ସଠିକ୍ ରଖିଥାଏ। ଯାହା ଓଜନ ହ୍ରାସ କରିବାରେ ସହାୟକ ହୋଇଥାଏ। ଦହି ସେବନ କରିବା ଦ୍ୱାରା ଏହା ଶରୀରରୁ ଅତିରିକ୍ତ ଚର୍ବିକୁ କମ୍ କରିଥାଏ।
Comments are closed.