ବିଲେଇର ମୋବାଇଲ ନିଶା

ଘରେ ସାଧାରଣତଃ କାମ ବ୍ୟସ୍ତତା ଯୋଗୁଁ ଛୋଟ ଛୁଆଙ୍କୁ ଭୁଲେଇବା ପାଇଁ ବାପା-ମା’ ମାନେ ମୋବାଇଲ ଧରାଇ ଦିଅନ୍ତି । ପରେ ଏହି ମୋବାଇଲ ନିଶା ଛଡ଼ାଇବାକୁ ଯେନତେନ ଉପାୟ ଖୋଜନ୍ତି । ଏବେ ସେହି ତାଲିକାରେ ଘରେ ପୋଷାଜନ୍ତୁମାନେ ମଧ୍ୟ ସାମିଲ ହୋଇଗଲେଣି । ପିଲାଙ୍କୁ ଛାଡ଼ିଦିଅ ଏବେ ପୋଷାଜନ୍ତୁଙ୍କର ମୋବାଇଲ ନିଶା ଛଡ଼ାଇବା କାଠିକର ପାଠ ହୋଇଯାଇଛି । ଗୋଟିଏ ଜଣାଶୁଣା ୱେବସାଇଟରେ ବିଲେଇ ଭିଡ଼ିଓ ବାରମ୍ବାର ଅପଲୋଡ଼ ହେଉଛି ।

ଘଟଣା ଅନୁଯାଇ, ମାଲିକ ଜଣକ ତାଙ୍କ ପୋଷା ବିଲେଇକୁ ବଡ଼ ଟ୍ୟାବଟେ ଦେଇଛନ୍ତି । ଟ୍ୟାବରେ ଭିଡ଼ିଓ ଦେଖି ସମୟ କାଟୁଛି ବଲେଇ । ଯଦି କେତେବେଳେ, କେମିତି ଟ୍ୟାବଟି ପାସୱାଡର଼୍ ପଡ଼ି ବନ୍ଦ ହୋଇଯାଉଛି, ସେ ମାଲିକଙ୍କ ପାଖକୁ ଆସି ଚାହୁଁଛି । ମାଲିକ ଭଲରେ ବୁଝିଯାଉଛନ୍ତି ଯେ ନିଶ୍ଚୟ ଟ୍ୟାବ୍‌ ଲକ୍‌ ହୋଇଯାଇଛି ।

ପୋଷାଜନ୍ତୁର ଏହି ମୋବାଇଲ ନିଶା ଦେଖି ଅନ୍ୟମାନେ ଆଶ୍ଚର୍ଯ୍ୟ ହୋଇଛନ୍ତି । ଏହି ଭିଡ଼ିଓଟି ସୋସିଆଲ ମିଡ଼ିଆରେ ବେଶ ପ୍ରଶଂସା ସାଉଟିବାରେ ଲାଗିଛି ।