ବଦଳିଲା ବାୟୁସେନା ଲୋଗୋ

ପ୍ରୟାଗରାଜ: ଦୀର୍ଘ ୭୨ବର୍ଷ ପରେ ଭାରତୀୟ ବାୟୁସେନା ଏହାର ପତାକା ବଦଳାଇଛି। ଏହି ପତାକା ବାୟୁସେନା ଦିବସରେ ପ୍ରୟାଗରାଜର ବାମରୌଲି ସେଣ୍ଟ୍ରାଲ ଏୟାର କମାଣ୍ଡ ମୁଖ୍ୟାଳୟରେ ଉନ୍ମୋଚିତ ହୋଇଥିଲା। ୮ ଅକ୍ଟୋବର ୧୯୩୨ରେ ବାୟୁସେନା ପ୍ରତିଷ୍ଠା କରାଯାଇଥିଲା। ୭୨ବର୍ଷ ପରେ ବାୟୁସେନା ଏହାର ପତାକା ପରିବର୍ତ୍ତନ କରିଛି। ଏହା ପୂର୍ବରୁ ଏହା ରୟାଲ ଫୋର୍ସ ଭାବରେ ଜଣାଶୁଣା ଥିଲା। ଏହାପରେ ଏହାର ନାମ ରୟାଲ ଇଣ୍ଡିଆନ ବାୟୁସେନା ରଖାଗଲା । ଦେଶର ସ୍ବାଧୀନତା ପରେ ୧୯୫୦ରେ ରୟାଲ ଶବ୍ଦ ହଟାଗଲା ଏବଂ ଭାରତୀୟ ବାୟୁସେନା ନାମ ପରିବର୍ତ୍ତନ ହେଲା ଏବଂ ପତାକା ମଧ୍ୟ ବଦଳାଗଲା।

ନୌସେନା ପରେ ବର୍ତ୍ତମାନ ବାୟୁସେନା ମଧ୍ୟ ଏକ ନୂତନ ପତାକା ପାଇଛି। ପ୍ରୟାଗରାଜରେ ବାୟୁସେନାର ୯୧ତମ ଫାଉଣ୍ଡେସନ ଡେ’ରେ ବାୟୁସେନା ମୁଖ୍ୟ ମାର୍ଶଲ ଭି.ଆର ଚୌଧୁରୀଙ୍କ ଦ୍ୱାରା ନୂତନ ପତାକା ଉନ୍ମୋଚିତ ହୋଇଥିଲା। ଏଠାରେ ସେଣ୍ଟ୍ରାଲ ଏୟାର କମାଣ୍ଡ ମୁଖ୍ୟାଳୟ ବାମରୌଲିରେ ଆୟୋଜିତ ବାୟୁସେନା ପରେଡ ପରେ ବାୟୁସେନାର ନୂତନ ପତାକା ଉନ୍ମୋଚିତ ହେବ। ପ୍ରତିରକ୍ଷା ବାହିନୀ (ସିଡିଏସ) ଜେନେରାଲ ଅନିଲ ଚୌହାନଙ୍କ ଉପସ୍ଥିତିରେ ବାୟୁସେନା ପତାକା ଉନ୍ମୋଚନ କରାଯାଇଥିଲା। ବାୟୁସେନାର ମୂଲ୍ୟକୁ ଭଲ ଭାବରେ ପ୍ରତିଫଳିତ କରିବା ପାଇଁ ନୂତନ ଏଲଏଏଫ ପତାକା ଡିଜାଇନ କରାଯାଇଛି।