ଖାଇବା ତେଲ ଦର ଦବକି ଏଥର ଆଶ୍ୱସ୍ତି

ନୂଆଦିଲ୍ଲୀ : ଦେଶରେ ଖାଇବା ତେଲର ଉପଲବ୍ଧତା ବଢାଇବାକୁ ଓ ଦର ହ୍ରାସ କରିବାକୁ କେନ୍ଦ୍ର ସରକାର କେତେକ ପଦକ୍ଷେପ ନେଇଛନ୍ତି । ବର୍ଷକୁ ୨୦ ଲକ୍ଷ ଟନ ପର୍ଯ୍ୟନ୍ତ ସୋୟାବିନ ଓ ସୂର୍ଯ୍ୟମୁଖୀ ତୈଳ ଆମଦାନୀ ଉପରେ ସୀମା ଶୁଳକ ଓ କୃଷି ଭିତ୍ତିଭୂମି ସେସ ଛାଡ଼ କରିବାକୁ ନିଷ୍ପତ୍ତି ନେଇଛନ୍ତି । ଏହି ଶୁଳ୍କମୁକ୍ତ ସୋୟାବିନ ଓ ସୂର୍ଯ୍ୟମୁଖୀ ତୈଳ ଆମଦାନୀ ଦୁଇବର୍ଷ ପାଇଁ ଲାଗୁ ହେବ । ଏହି ଦୁଇଟି ବର୍ଷ ହେଲା ୨୦୨୨-୨୩ ଓ ୨୦୨୩-୨୪ । ସରକାରଙ୍କ ଏହି ନିଷ୍ପତ୍ତି ଫଳରେ ଦେଶରେ ଖାଇବା ତେଲ ଦର କମିବା ସହ ତାହା ମୁଦ୍ରାସ୍ପୀତି ନିୟନ୍ତ୍ରଣ କ୍ଷେତ୍ରରେ ସହାୟକ ହେବ ।