ଆରପିଏଫ୍ ଦ୍ୱାରା ଟ୍ରେନରୁ ୯୧ ନାବାଳକ ଉଦ୍ଧାର

ଆରପିଏଫମାନଙ୍କ ଦ୍ୱାରା ଝାଡଖଣ୍ଡର ବୋକାରୋ ଓ ଉତ୍ତରପ୍ରଦେଶର ମୁରାଦାବାଦର ଦୁଇଟି ଟ୍ରେନରୁ ୯୧ ନାବାଳକ ଉଦ୍ଧାର ହୋଇଛନ୍ତି । ନାବାଳକଙ୍କୁ ମନ୍ଦ ଉଦ୍ଦେଶ୍ୟରେ ଚାଲାଣ କରାଯାଉଥିବା ରେଳବାଇ ପୋଲିସ ସନ୍ଦେହ କରୁଛି। ବୋକାରୋଠାରେ ଧାନବାଦ-ଅଲପୁଝା ଅଳେପ୍ପି ଏକ୍ସପ୍ରେସ୍ ୩ଟି ବଗିରୁ ୮୪ ନାବାଳକଙ୍କୁ ଉଦ୍ଧାର କରାଯାଇଥିବାବେଳେ ୩ କେୟାର ଟେକରଙ୍କୁ ଏନେଇ ପୋଲିସ ଆରମ୍ଭ କରିଛି ପଚରା ଉଚରା। ସମସ୍ତ ନାବାଳକଙ୍କ ବୟସ ୧୪ ବର୍ଷ ମଧ୍ୟରେ ବୋଲି ଆରପିଏଫ୍ କହିଛି। ଏପର୍ଯ୍ୟନ୍ତ ୪୦ ଜଣ ନାବାଳକଙ୍କ ପରିବାର ସଦସ୍ୟ ଆରପିଏଫ୍ ଥାନାରେ ପହଞ୍ଚିଥିବାର ସୂଚନା ଦେଇଛି ରେଳ ବିଭାଗ । ତେବେ ପୋଲିସ ଏସମ୍ବନ୍ଧରେ ତଦନ୍ତ ଜାରୀ ରଖିବା ସହିତ ଖୁବ୍ ଶିଘ୍ର ଅସଲ ଅଭିଯୁକ୍ତ ପାଖରେ ପହଞ୍ଚିବାର ଆଶା ରହିଛି ।