ଲହୁଣୀପଡା ପୋଲିସକୁ ବଡ ସଫଳତା, ୫ ଅନ୍ତରାଜ୍ୟ ଚୋର ଗିରଫ

ସୁନ୍ଦରଗଡ଼, ସନ୍ତୋଷ କୁମାର ଅଟୀ : ବଣେଇ ଉପଖଣ୍ଡ ଲହୁଣିପଡା ଥାନା ଅନ୍ତର୍ଗତ ବଣେଇ, ଲହୁଣିପଡା, ଚାନ୍ଦିପୋଷ, ରାଉରକେଲା ସହିତ ବିଭିନ୍ନ ଅଞ୍ଚଳରୁ ଚୋରି କରି ଆତଙ୍କ ସୃଷ୍ଟି କରି ପୋଲିସକୁ ନାକେ ଦମ କରି ରଖିଥିବା ଚୋର ଦଳକୁ ଲହୁଣିପଡା ପୁଲିସ ଧରିବାରେ ସଫଳତା ହାସଲ କରିଛି। ଏମାନଙ୍କ ଠାରୁ ଗାଡି, ଟେମ୍ପୋ, ବ୍ୟାଟେରୀ, ଇଲେକ୍ଟ୍ରି ଜିନିଷ ମୋବାଇଲ ସବୁ ଜବତ କରିଥିବା ଜଣାପଡିଛି । ଦିନକ ଆଗରୁ ଲହୁଣିପଡାରୁ ରାତି ୧୧ ଟା ବେଳେ ଚୋରି କରୁଥିବା ବେଳେ ସ୍ଥାନୀୟ ଲୋକଙ୍କ ଦ୍ୱାରା ଧରାପଡି ଚୋରଙ୍କୁ ପ୍ରବଳ ମାଡ ଦେଇ ପୁଲିସକୁ ହସ୍ତାନ୍ତର କରିଥିଲେ। ସମସ୍ତ ଚୋରଙ୍କ ଠାରୁ ଚୋରି ଜିନିଷ କିଣିଥିବା ଜନୈକ ସଂଖ୍ୟା ଲଘୁ ସମ୍ପ୍ରଦାୟର ବ୍ୟକ୍ତିକୁ ମଧ୍ୟ ଗିରଫ କରିଥିବା ଜଣାପଡ଼ିଛି । ଏମାନଙ୍କ ମଧ୍ୟରୁ ଜଣେ ନାବାଳକ ହୋଇଥିବା ବେଳେ ୪ ଜଣ ସାବାଳକ ଅଟନ୍ତି । ସେମାନେ ହେଲେ ଅବିନାଶ ଜୟସ୍ଵ।ଲ, ସୁନ୍ଦର ମୁଣ୍ଡା,ଏମ ଡି ଗୁଲଜାର ସୁଶାନ୍ତ ମହାନ୍ତ ଓ ନୟନ କୁମାର ମୁଖୀ (ନାବାଳକ)। ଆଜି ପୋଲିସ ୪ ଅଭିଯୁକ୍ତଙ୍କୁ ବଣେଇ କୋଟ ଚାଲାଣ ହୋଇଥିବା ବେଳେ ଅନ୍ୟ ଏକ ନାବାଳକକୁ ସୁନ୍ଦର ଗଡ ବାଳସୁଧାର ଜେଲକୁ ପଠାଯାଇଥିବା ଜଣାପଡିଛି ।