ରାହୁଲ୍ ଗାନ୍ଧି ପିନ୍ଧୁଥିବା ଟି – ଶାର୍ଟ ଦାମ କେତେ

ନୂଆଦିଲ୍ଲୀ: ବିଜେପି ଓ କଂଗ୍ରେସ ମଧ୍ୟରେ ଏବେ ପୋଷାକ କଳି ଆରମ୍ଭ ହୋଇଛି। ବିଜେପି ବିରୋଧରେ କଂଗ୍ରେସ ଭାରତ ଯୋଡ଼ୋ ପଦଯାତ୍ରା କରୁଛି। କନ୍ୟାକୁମାରୀ ଠାରୁ ଆରମ୍ଭ ହୋଇଥିବା ଏହି ପଦଯାତ୍ରା କଶ୍ମୀର ଯାଏ ଚାଲିବ। ଦେଶବାସୀଙ୍କୁ ଏକାଠି କରିବା ପାଇଁ କଂଗ୍ରେସ ଏପରି ପଦଯାତ୍ରା କରୁଥିବା କହୁଛି। ହେଲେ ବାସ୍ତବରେ ଦଳର ନଜର ୨୦୨୪ ସାଧାରଣ ନିର୍ବାଚନ ଉପରେ ରହିଥିବା ରାଜନୀତିକ ପଣ୍ଡିତମାନେ କହିଛନ୍ତି।

ଏସବୁ ଭିତରେ ରାହୁଲ ଗାନ୍ଧି ପିନ୍ଧିଥିବା ଗୋଟିଏ ଦାମୀ ଟି-ଶାର୍ଟକୁ ନେଇ ବିଜେପି ପ୍ରଶ୍ନ ଉଠାଇଛି। ଏହାର ଜବାବ ମଧ୍ୟ କଂଗ୍ରେସ ଦେବାକୁ ପଛାଇ ନାହିଁ। ବର୍ତ୍ତମାନ ଭାରତ ଯୋଡ଼ୋ ପଦଯାତ୍ରାରେ ଥିବା ରାହୁଲ ଗାନ୍ଧି ପିନ୍ଧିଥିବା ଗୋଟିଏ ଟି-ଶାର୍ଟର ଫଟୋକୁ ବିଜେପି ଟ୍ୱିଟ କରିଛି। ଦଳ ଏହାର ଦାମ ୪୧ ହଜାର ଟଙ୍କା ବୋଲି କହିଛି।

ବିଜେପି ଟ୍ୱିଟ କରିଥିବା ଫଟୋରେ ରାହୁଲ ଧଳା ରଙ୍ଗର ଗୋଟିଏ ବୁରବେରୀ ଟି-ଶାର୍ଟ ପିନ୍ଧିଛନ୍ତି। ଏହି ଫଟୋର ସାଇଡରେ ବିଜେପି ଟି-ଶାର୍ଟର ଦାମ କେତେ ବୋଲି ଅନଲାଇନରୁ ସ୍କ୍ରିନଶଟ୍ ବାହାର କରି ପୋଷ୍ଟ କରିଛି। ଏଥିରେ ରାହୁଲ ପିନ୍ଧିଥିବା ଗଞ୍ଜିର ଦାମ ୪୧,୨୫୭ ଟଙ୍କା ଲେଖାଯାଇଛି। ଏହି ଦୁଇ ଫୋଟକୁ ପୋଷ୍ଟ କରି ବିଜେପି ଲେଖିଛି ଯେ “ଭାରତ, ଦେଖ।”